bunderberg working hostel多，不過來打工的backpackers都好多。來bunderberg之前曾經打電話到一間hostel問工作情況，佢地話有packing job的空缺，所以我們先來。但去到果間hostel，個reception同我地講依家bunderberg工作情況好淡，hostel有幾個女仔等緊工，叫我地先諗清楚。於是我同tak出去搵bunderberg其他hostel打聽。我地搵左四五間，間間都話依家冇乜工，可能遲d會有，不過唔sure幾時。一場來到，最後我地都係決定住番之前打電話問果間，俾左一個星期住宿，睇下一個星期會唔會有轉機。
可惜等足一個星期hostel都冇工俾我地。但有d遲過我地入hostel住的鬼妹就有工開，問hostel負責人點解，佢話有d farm係只請鬼，唔請亞洲人。(後來聽一d曾經在bunderberg打工的人講bunderberg一帶的歧視情況幾嚴重。較舒適的工作只請鬼，辛苦的就只請亞洲人，而且待遇不高，bunderberg打工其實冇乜著數。
@ bunderberg
慘蝕一星期住宿，打工變渡假，我同tak決定先玩埋whitsunday sailing tour再上另一打工勝地tully碰運氣。由於要等sailing tour開始，我地又唔想等待期間花錢，於是決定等sailing tour果幾日再參加wwof，邊省錢邊體驗澳洲生活。可能因為bunderberg附近都比較靜，幾經辛苦先搵到一個wwoof host接濟我地，係一個獨居阿伯，有d擔心。
從bunderberg搭夜晚十二點車到rockhemton同阿伯會合。由於凌晨兩點就到，阿伯要第二朝先接我地，在rockhempton車站的廿四小時餐廳hea左成晚。
第二朝七點終於等到阿伯來接，佢首先就帶左我地上附近的山睇風景，then買早餐俾我地食，又去超市叫我地選擇晚餐的材料，似乎幾大方。
THEN番去佢屋企，係一間一層平房，望落簡陋，但都算舒適。我同TAK因為成晚冇訓，所以去到阿伯屋企第一件事唔係幫佢做野，而係睡覺。
黃昏跟阿伯參觀佢個FARM。雖然得阿伯一個人打理，但幾企理幾有規模，有洋桃、荔枝、熱情果等，每個星期六阿伯都會車D野出市集賣。阿伯除左種田仲會駕校巴同修理電視
參觀阿伯個farm
第一晚食bbq，阿伯用花園的爐燒烤。
摘果用的吊臂
第一餐晚飯
第二日上午落farm做一陣weeding之後到阿伯朋友開的動物園玩。個動物園幾簡陋，不過有好多機會同動物接觸，抱動物又唔使另外加錢，算抵。不過動物園位置僻遠，又冇乜宣傳，入場的人不多。
0係阿伯屋企wwof 的幾天其實玩/睡多過做。在那裡住了四晚便前往airle beach參加sailing tour。
沒有留言:
張貼留言