澳洲闖蕩之旅(六) - 浪蕩東岸之Sailing @ Whitsundays

bunderberg搵工計劃失敗，tully的工作前景又未明朗，抱住患得患失的心情前往airlie beach玩埋packpage包的sailing tour。

今次我同tak分別join了不同的sailing tour。我選了一隻較有歷史及以美食見稱的豪船，tak選了隻比較平價的船。

           出發@ airlie beach 碼頭



今次的團友有三個irish表姐妹、一單丁irish女仔、兩pair德國情侶、兩英女。我又係全團惟一亞洲人。船上個個bikini小背心。我的保守 t shirt +短褲實在有點格格不入。點先可以同呢班本來已經一雙一對的團友打交道呢?

上到船第一件事就係食，有pizza。友善的irish三人組主動同我傾計。雖然佢地又煙又酒，不過態度友善。irish英文係幾難聽，不過佢地都好就我，唔介意講多幾次。

0係船上無無聊聊左幾個鐘，船員dave叫我地準備落水玩浮潛。我唔知呢個tour有得玩埋浮潛，自己又唔識游水，所以唔諗住落水。dave見我唔郁，慫恿我既然俾左錢，點解唔玩下，又應承我會睇住我，唔會俾我出事。我又覺得一場來到大堡礁，又真係無理由唔睇下個水底。加上dave又話佢會睇實我，於是把心一橫決定落水。

眾人離開大船坐小艇至珊瑚礁水面。當團友一個一個落水，不諳泳術的我開始拗底，唔敢落水。dave叫我抱住浮條幫助我落水，但落到水我一直捉住快艇唔敢郁，dave不斷叫我放手。

好不容易才衝破心理掙扎放手，在水中飄浮一障之後先夠膽伸個頭入水睇海底。對一個唔識游水的人來講，可以0係海中心睇海底實在係意想不到的事。望住五顏六色的水底，不能相信是真的。可惜我個face mask太大，我又帶住眼鏡，入水不夠三十秒就入水，飲左好多咸水，但我還是為可以睇珊瑚礁而興奮，更是差不多最後一個上船。

      

         唔識游水的我就係靠住一條浮條0係水中浮潛。阿媽知道實鬧死。

         

           黃昏

入夜同兩個德國女仔吹水，佢地似乎以為所以亞洲人都唔識英文，話好意外我識英文。其中一個德女在bunderberg打過工，做荔枝picking，不過係hourly paid。佢話bunderberg打工的backpacker成日醉酒鬧事，d同房成日嘈到佢冇得睡，所以寧願俾貴d都要住二人房。另一個德女就係來澳洲渡假，今次係專程去多次white heaven beach，因為此乃佢生平見過最靚的地方。         

夜晚訓覺，一早已經決定睡甲板，因為那所謂"睡房"窄到郁都郁唔到，而且冇空調，熱到不行。成功擺佔了一個有簷蓬的好位，夜晚落雨都冇被波及。

第二朝起身食早餐，團支似乎都睡得不太好。有的俾雨淋，有的被船長的snore嘈醒，同佢地比我已睡得不錯。

 早餐@船

吃過早餐便前往white heaven beach。上岸還要走一段山路才到。上山的一段，竟然俾我見到落山的tak。

從山上的景觀台望white heaven beach，甚壯觀。可惜當時患上backpackers症後群，面對這樣的美景竟有點無動於衷。

On white heaven beach!!

 咁靚０既海灘，唔識游水都要落水浸下。當地的保育措施很足，落水一定要穿全身泳衣。

熱情開放的意大利佬船長，本身係廚師。tour完左之後給我們每人一個吻。　　

之前有個去過sailing 的韓國男告訴我，參加sailing tour，第一日"very good"，第二日"...good..."，第三日" just want to sleep"。其實在船上與一班不怎談得來的老外一起ｈｅａ是挺無聊的。我本身又唔係外向的人，唔想為吹水而吹水。不過我都幾悶得，總可以在船上自得其樂。而且今次旅程可以俾我呢個唔識游水的人玩浮潛，親身感受珊瑚礁，仲玩左浮潛三次，實在難能可貴。在香港我根本想像唔到原來自己都可以玩浮潛。


完成三日兩夜的sailing tour，irish三人幫叫我夜晚一齊落pub，我笑說我不煙不酒，落到PUB都唔知做乜。佢地話我可以dance，或者笑佢地dance，我禮貌地笑一笑，心裡明白我是不會去的。我寧願自己去airle beach那寧靜的露天泳池玩。




在airlie beach最後一個晚上住的hostel，格局像集中營，是我住過最古怪的hostel之一。