澳洲闖蕩之旅(五) - WWOOF @ 塔斯曼利亞

wwoof @ tasmania

   

離開emerald backpackers，在澳洲足足打左差不多五個月工，終於儲夠盤川去玩了!

我地每人都儲左約四千蚊，不過冇概念去邊度好。直到0係melbourne一間travel agent，打聽到由melbourne到tsamania (塔斯曼利亞)的船飛做緊promo，只係$69，平左一半，於是就傻下傻去tasmania。


tasmania係澳洲最大的外島。坦白說我未去澳洲時根本連tasmania都冇咩點聽過。不過來到之後聽到好多關於tasmania的好評，於是走去看看。但事實上未踏足tasmania之前，因為懶，我都冇乜概念我將會見到d咩。我book左一個cradle mountain行山團同東岸團，tak book左個西岸團同單車東岸團，見步行步。

   

貪平買了硬座票的我溜出common area睡了一晚。

從melbourne坐十個小時的通宵遊輪到tasmania，0係好心巴士司機義載下到巴士站乘巴士到tasmania第四大城市burnie‧來burnie的目的係參加wwoof program。wwoof 係一個有機農場組織。參加wwoof成為wwoofer便可以替組織企下的有機農場家庭每日工作四至六小時，換取免費食宿。澳洲話晒都係農業大國，參加wwoof可以話係一個真正體現澳洲生活的機會。

   

 @ Burnie

我們的host family係五人家庭，男女主人有分別七歲、四歲同一歲0既細路。wwoof suppose係幫farm做野，不過佢地屋企果個farm規模較細，似花園多過 farm。

wwoof family的家，香港人夢寐以求的精緻別墅。尤其是我們住的房間(本來是主人的三個小孩的)，佈滿公仔玩具，簡直是小朋友的DREAM ROOM，絕對滿足了我這個在公屋土身土長的香港小市民的童年願望。

wwoof family的三個小朋友，大女annaline，二仔同細仔jabex + kayden。可能係經常接觸wwoofer的原因，annaline同jabex都唔怕陌生人，好快同我地玩得好癲。kayden原本較怕醜，後來都被tak "融化"了。

之前同wwoof family的女主人聯絡，佢問我地對咩工作有興趣，我話之前一直打農場工都係做有關植物的工作，所以今回想做d同動物有關的工作。估唔到女主人還真幽默，第一日就俾我地做一樣同動物關係非常密切的工作 ---執馬屎........

兩個香港的大學畢業生，老遠跑來澳洲執馬屎，不禁有點感慨。點同阿媽交代?

我同tak一人一個鏟，tak負責將屎鏟走，再將屎掃至我的鏟內，我負責將屎丟至手推車。一次因屎太重，我差點甩手把屎踐到tak身上，tak嚇到當堂爆粗: " x你呀! 馬屎來架!!" 我不但沒有謙意，還笑到彎腰。來到澳洲，我地都變得粗豪，恃住冇人聽得門，經常爆粗，但仍不失淑女形象。

 

趁女主人不在，怒罵馬屎的恐手。

我們的其他工作還包括:

  餵雞

 除草

 修剪花圃...

還有打掃、湊細路同俾細路"恰"。

  整整兩頁紙的家規。

  忙裡偷閒

 同男主人0係屋外合照。