澳洲闖蕩之旅(六) - 浪蕩東岸之Canoeing @ Nossa River

澳洲東岸地大物博，旅遊勝地眾多，我同TAK都唔知點樣玩好。經其他BACKPACKER介紹，我地０係SURFER PARADISE買左個東岸遊PACKAGE，誤打誤撞之下，唔識游水的我竟然參加左個CANOEING TOUR划獨木舟！太瘋狂了！

０係BRISNBANE坐巴士去NOSSA，竟然撞番我０係EMERALD BACKPACKERS的朋友英國佬 Iwin，不過佢一直由悉尼坐車到BRINSBANE，打算再北上至BACKPACKER打工勝地BUNDERBURG打工，累得不能多談。

到了nossa，在HOSTEL休息了一晚便開始我們的旅程。tour的負責人來hostel pick我地，then join另外兩個團友到一碼頭坐水上的士到nossa river。

到達nossa river，那個負責人分派我們每兩日一隻艇、每人一個筒裝食物/行李、派schedule、象徵式地講下點樣划艇，跟住就留低我地四個走左去。

根據schedule，我地首先要自行划艇去herry hut，船程約一小時。我之前完全冇划過艇，坐在艇上，更顯得手足無措。幸好tak之前玩過outward bourad，識得點0係船尾控制船的方向。調到船頭作「人肉摩打」的我只有牛力，卻完全不知道划艇的技巧，不斷用力划，但艇好像不太去水，tak又不斷埋怨我點解划極都去唔到水，實在令我有俾$買難受的感覺。

時為列日當空，0係猛烈陽光下郁動已倦得冇力0既手臂實在辛苦。好不容易才撐到去henry hut，得番半條人命。一諗起聽日又要再划，心不禁一沉。

tent附近的一隻大蜥蝪。

第一日的行程很簡單，就是由nossa river碼頭划到henry hut camp site settle down。我地四個settlle down之後都冇咩好做，吹吹水。我們的兩個團友分別係以色列女同俄羅斯男，對當時的我而言都係很陌生的民族。俄男因為想逃避服兵役而來澳洲讀書，以女則趁服完兵役又未上大學的空當周遊列國。還記得當初佢同我講佢come from ISRAEL，我都唔知israel 係以色列。佢好驚訝我唔識ISRAEL，問我”You really don't know Israel? Don't u here it on the news? we always have wars!"　要用always have wars 來形容自己的國家，心情是如何的？

以女對香港同中國都好熟識，因為佢男朋友同中國人做生意，成日去中國。佢竟然知道我個名ling在中國是很普遍的名字。

我的晚餐在露營而言是相當豐富的-午餐肉撈面。其他鬼都係食乾糧。0係原野食熟食，真係好幸福。

 開餐。

雖然nossa river位置僻遠，但可能因為正值除夕，camp site遊人不少，而且他們的露營設施非常完善，有一對夫婦看dvd，我們隔離的那班人更誇張，有巨型蚊帳又有私家廁所，簡直是將自己屋企搬了過來。在香港露營的機會不多; 在澳洲卻似乎十分普遍。

入夜後都冇咩做，我同tak0係tent內讀讀自己的日記，不久便睡覺，靜悄悄地過了2005的除夕夜。

第二朝一早醒來準備划艇與上sand pad的旅程。再次划艇，依然辛苦，雖然我唔覺自己划得快，但我們比兩位老外團友早到到camp site 3廿分鐘。在camp site 3等候期間，一班 local 正在碼頭附近的水中喝酒吹水，還叫我同 tak加入他們。我話冇泳衣又唔識游水所以唔落，一個女仔即給了我一件救身衣，並謂天氣咁熱，冇泳衣跳落水之後都可以好快乾。正猶豫之際，tak已一腳踢了我落水，我嚇得大叫，其他人立即俾給我水泡同浮條。我覺得自己好異相，不過一班local 的熱情實在教人感動。

那個穿著t shirt、救生衣及青蛙水泡的傻浪就是在下。

在水中胡鬧了十五分鐘，團友亦到達了。我同tak先上岸坐在太陽底晾乾身體，團友則換上泳衣落水遊玩。期間我的香港身份証不小心從銀包跌落碼頭底，一local男見狀便潛入水中幫我拾回，我也不知道可以怎樣報答他，只有跟他拍照留念。

上sand pad之前我地先在附近找地方吃午餐。但碼頭附近的一些公用椅桌都被人擺佔，相信是屬於剛才那班 local 的。我們只好用他們擺佔了的椅桌用餐。其時那班人上水，見到我地在他們的地方用餐，有的人面露不悅，大家都沒有說話。剛才仲開開心心的，依家又搞成咁....

由碼頭行上sand pad要個幾鐘。由於沿途都是沙路，而我同tak都只係著涼鞋，加上天氣熱，行得幾辛苦幾慢，至近山頂的路沙較實才較易行。

行至山頂，意外地發現原來sand pad係一大片沙海。第1次見到咁宏偉的沙海，仲要係0係山上，好amazing! 我同tak都興奮地跑落去玩，老外團友話危險冇落。

回程tak 試坐船頭做「人肉摩打」，佢用"咁仆街"來形容划船頭的滋味，體會到我的艱苦，便少了對我發脾氣。我這個嚴重缺乏方向感兼唔識分左右的人也樂於繼續當人肉摩打。

「同學愛新鮮，戀愛大過天....」

雖然划艇的技巧已開始熟練，但畢竟體力勞動了這麼多天，第三天上午回程的時候划得有點力不從心，經常要停下休息。我們還試過走錯路在水淺的地方擱淺了，TAK要走落艇推船。為了激勵士氣，我提議唱歌助慶。TAK叫我選岩FEEL的歌，想來想起，我只想起SAM HUI的 "曳搖共對輕舟飄....." TAK話老土，突然高聲唱起 "同學愛新鮮，戀愛大過天....."我也跟著她唱TWINS下去，士氣高昂不少。估唔到獨木舟同TWINS兩樣風馬牛不相及的東西竟然發生了這樣的化學作用!

回程時拍下的NOSSA RIVER倒影

我們還是比原定時間提早了三十分鐘到碼頭，團友以色列女都讚我們划得快，又向我們投訴俄羅斯男划得又慢人又懶。不久TOUR的負責人帶住新一批參加者來到碼頭，把我們接走，把他們丟下。

上到岸，還要幫負責人清洗營具、儲物都水稿筒方可離開。在澳洲JOIN TOUR，俾$唔係大晒的。