完成了cradle mt 之旅，休息了一天，又再開始東岸團。今次呢個團有成廿人，絕大部份都係亞洲人，仲有一對香港姊妹，令人懷念之前CRADLE MT TOUR人少少多老外的日子，我亦失去了跟團友打交道的衝動。
第一日遊覽了小鎮ROSS 同bichelo．．．
＠ Launceston
Bakery @ Ross Village，電影魔女宅急變內 KIKI工作的面包店就係參考呢度而設計。
@ Ross Bridge
ON THE WAY TO BICHELO...
連島沙洲＠BICHELO，見水漲，唔識游水的我唔敢過。聽講對面有野生企鵝
夜遊bichelo海灘睇野生企鵝，團費才廿蚊，跟企鵝只是幾米距離。
第二日對我來講係東岸團0既重頭戲: 攀Mt Amos。既然cradle mt我都行到，mt amos應該唔會難到我。但行左3日cradle mt，我雙腳原來在不知不覺間已經勞損。行得慢之餘，膝蓋位置更是一步一痛心。而且山上並冇山路可言，只有大石俾人逐級逐級上。團友見我行得咁辛苦都替我擔心。瑞士男更多次主動幫我揹背包。
小休@ mt amos with 瑞士男
好不容易我先上到山頂。0係山上竟然再次遇見cradle mt tour的團友美藉華人及另一有份攻頂的英國女人。佢地參加左另一tour玩東岸。
落山對膝蓋的負荷更重。我大部分時間都係好似玩滑梯咁"sir"落山。難得導遊matt冇嫌棄我，仲叫我Don't be shame! It's fun! "
Matt係英國人。之前因為去印度旅行時冇晒錢，去左香港教左半年英文。佢話佢d香港學生本身英文都好好，不過因為要移民所以先去學英文。佢仲話要番香港睇下有咩改變，不過就擔心去到會變成肥仔，因為香港有太多好野食。佢竟然鍾意食叉燒包，不過頂唔順臭豆腐。其實回想起來，matt應該係我遇過0既咁多導遊之中最pro的一個。除左風趣幽默、英文易聽之餘，對遊覽地的認識又深，更煮得一手好菜。
第三日的重頭戲係參觀著名的大型監獄port arthur。當年係一個囚禁歐洲犯人的監獄。素來對監獄興趣極大的我對參觀port arthur期待已久。本來我地suppse係要跟住一個註監獄的講解員行，但我實在冇耐性聽佢講，聽左幾分鐘就自己去行。
扮囚犯@pt arthur musume
臨別大合照
沒有留言:
張貼留言