從南澳再次坐長途巴由barmera到melbourne。今次坐得好辛苦，因為架巴士好爆，冇得坐兩個位，冇得訓。
其實我仲未肯定我會唔會同 tak暫住0係佢遠房親戚屋企。因為寄人籬下似終唔係咁好，何況寄居0係一個陌生0既人屋企。但去到melbourne，天仲未光，又訓得唔好，個人冇能力思考，只想快 d 搵地方落腳。既然 tak 的親戚來接佢，我都照跟埋去，休息過後先算。
tak都講唔清楚佢同佢個親戚0既關係，而且只係見過佢一次。不過之前佢父母來澳洲玩，都係住0係佢地屋企，所以今次再冒昧打搞。
佢親戚 (uncle) 準時到達巴士站接我地，態度尚算友善。佢地屋企離市中心約廿分鐘車程。到達後，uncle即捧出蓮蓉飽、粥同榮華蛋卷作早餐。0係南澳冇啖好食日日三文治0既我見到久惟了的香港野真係非常興奮。感覺好似由冇星酒店搬到五星酒店咁開心。之後發現原來melbourne有一個叫民族台0既電視台可以睇 atv news。uncle auntie見我地坐左一晚長途車咁累，叫我地先睡一睡，我地也不客氣。
uncle auntie屋企0係澳洲來講唔算大，不過幾骨子。客房佈置舒適，幾舒服。訓醒覺已是午飯時間，auntie去左開工 ，uncle帶我地去附近market食越南野同買菜。奇怪點解uncle唔使番工，不過沒有多問。
我地第一晚0係uncle屋企0既晚餐非常豐富。有燒肉、有蒸魚、有燒鴨，對當時的我而言，簡直係上天0既賞賜。晚上睇埋uncle auntie之前去outback、tasmania同kangaroo island旅行的video。他們的video配上毫不配合的廣東情歌，感覺很滑稽。
再搵city工
0係uncle aunt屋企休飬生息兩日，第三日先出動到melbourne city走走，順便到china town碰運氣。melbourne比sudney細，亞洲人不少，不過街上歐陸式建築及藝術品較多，文化氣息較重，生活節奏也較慢。china town招牌告示不多，規模也比sydney的小，對於在melburne找到工作的信心不大。好不容易才看到一家港式餐廳請人，我同tak在門口徘徊很久才進去詢問有關請人事宜。auntie叫我地千萬不要告訴 china town的老板我們持 working holiday visa，因為一定冇人請。最好話自己student visa。那裡的員工只叫我們留下個人資料，當然最後也沒有下文。
在街上看到一些人肉廣告牌在街上遊走，我發現自己寧願做人肉廣告牌或者派傳單，都唔想 0係china town做阿四。咁並唔係因為我嫌棄做餐館，而係因為匿 0係china town餐館打工，同 0係香港上水餐廳打工根本冇分別。我來澳洲，係想體驗西方生活，感受西方文化。0係華人餐館俾華人老闆同華人客人點，我唔覺得會學到d乜。反而做人肉廣告牌，-係街上走走，望下人，又俾人望下，好似幾自在，比較似一個backpacker。
另一方面，我亦開始感受到 0係uncle auntie屋企住0既唔方便。雖然佢地態度友善，亦唔係斤斤計較的人，但始終寄人籬下，出出入入、生活細節上都有好多野唔方便。沖涼又唔敢沖得耐; d 野又唔敢周圍放;出去又唔可以太夜番 (我0係melboure成個星期都未睇過 melbourne city夜景); 打電話俾屋企都要偷偷摸摸。backpacker唔係應該自由自在，甚至為所欲為 ga咩?
不過叫我最吃不消的，應該係當時 tak 帶點神經質的「提點」。tak背負家族名聲帶朋友寄居0係親戚屋企。所以我地0既表現，對佢同佢屋企人0既名聲都有影響。tak被夾0係uncle auntie 同我呢個唔識人情世故兼 "呢啡" 0既旅伴之間，加上之前南澳 0既其中一份工作 0既人工仲未收得番，對佢構成好大壓力，故經常對我作出"提點"，壓得我透不過氣。好一陣子真的想就此與她分別 ，但自問又未夠膽，非常懦弱。
city工與農場工的心理掙扎
uncle auntie帶左d 中文報紙招聘廣告俾我地睇，我同 tak便嘗試打電話碰運氣。經過一晚努力，tak得到了一間賣 fish and chips店舖的見工機會，我則得到一間雪糕店的見工機會，當然沒有告訴別人我地係拎working holiday visa。我是用英文跟那雪糕店負責人洽談的。那個負責人似乎對我都幾滿意，因為後來 tak打電話俾佢，個負責人都冇約佢去見工。本來我地真係諗住第二日去見工。臨睡前同 tak吹吹水，始發現大家似乎都唔係好想去。理性上，我係應該去的。因為一. 賣雪糕唔難做，而且應該比0係china town做多d 機會講英文; 二. 0係澳洲體驗過農場生活，是時候感受一下澳洲的城市生活。感性上，我又真的唔多想去。因為一. 間店-係市郊，交通不便。二. 賣雪糕恐怕搵$唔多，可能比農場工還少，咁就有排都唔使玩; 三. 亦都係最重要的原因，就係，經過呢幾日-係city寄人籬下的生活，我同 tak都懷念住0係working hostel 自由自在0既生活‧而且打農場工，並唔係想像中咁辛苦。就算係最辛苦0既摘橙，亦帶俾我們很多有趣的回憶。再者，我相信tak 離開了寄居親戚0既生活，應該可以正常番，唔會對我指指點點。想著想著，我真的想回到working hostel 打農場工呀。
我記得曾經o係一本backpacker雜誌睇過一間working hostel 0既廣告，那廣告聲稱離melbourne city只係一個鐘車程，而且可以安排一d hourly paid 0既花 farm工作，連人工都寫埋 ($12-$15 per hour)，對我地兩個0係melbourne 0既女backpacker來講真係好適合。於是第二朝一早便叫tak打電話去問問那裡的工作情況。接電話0既人聲稱佢地依家唔夠backpacker，如果我地weekend來，monday就可以有工作。聽到咁0既答覆，實在令人心動。雖然當初我地都被南澳的hostel manager欺騙，以為佢地真係有好多工，但既然今次呢間hostel 近 melbourne，萬一再受騙，走也方便。大不了便再回city搵city工。於是把心一橫，決定過埋weekend就離開city過去。賣雪糕的工，當然唔去見了。有了決定，鬆了口氣，同 tak到 st kilda 散散心，不過放了雪糕店飛機，有d過意唔去。
暫別melbourne city
一口氣遊覽了st kilda、william town、frederation square、flinder street station、st patrick church等景點，到china town的港式雜貨店 "運時" 換了月餅 (阿媽寄來的)給 uncle auntie同自己及大量亞洲食品 (各類cans、即食noodle、印尼撈一整箱)，還到歐了泳櫸有介紹過的second hand market買了條二手牛仔褲開工用，我地促勢待發，為再一次打農場工作好準備。
沒有留言:
張貼留言