被 kooman 炒了後，經過chris的開解及weekend hostel搞的korean party，我的心情已經平伏，準備weekday的另一份新工。
瘦韓在ＫＯＲＥＡＮ ＰＡＲＴＹ玩踢膠袋，好似話係韓國傳統玩意。
ＫＯＲＥＡＮ ＰＡＲＴＹ
新farm 叫 tnb，都係種鬱金香，不過全都係室內。同我地一齊番呢份新工的有德國妹、比利時情侶、一韓男、日本仔"羅世明" (因為佢生得似我地個中學同學羅世明)、另一日本仔MASA，非常國際化。甫到farm，即有一黑人local staff 迎接，其帶我地參觀farm的設施。好似做過咁多farm work，今次係第一次有loacl worker帶我地參觀個farm。
Planting @ TNB Farm
新的工作係室內planting。我們所有backpacker皆企0係機械生產線旁，一籃籃已斟滿泥土的種子會不斷經運輸帶送到我們面前。我們的職責係將所有亂作一團的種子以 "二乘八"(每人排兩行，每行八粒) 的模式整齊排列好，並壓實於泥土中。由於機器係不停移動，可以想像當生產線一開始運作，種子就會不斷送來，我地都plant過不停，沒有停下來喘口氣的機會。因為稍慢下來，就會plant 唔切兩行。工作這麼單調，整天都是機械人般不停重覆同一樣工作。頭十五分鐘我就已經好想quit左呢份fucking job。
WITH 黑人上司＆德國妹
可幸的是，tnb farm的staff 大都好nice，common room及toliet 都遠比kooman完善清潔，planting的supervisor黑人亦算尊重backpacker。0係沉悶乏味0既工作期間會口花花潦人講野逗我地笑。身體適應了這他媽的工作之後，感覺好多了。只不過plant了一整天後一合上眼便看見孺動的種子。
在tnb 工作的第三天，比利時情侶在上班之前托我交tax form俾老板娘。原來佢地要quit左份工，因為唔鍾意份工。佢兩個表現唔錯，同d local有講有笑，估唔到會quit。由於冇左兩個人，如果企前面的人唔plant多於兩行，企最後的人就要硬食quit左果兩個人suppose所plant 的行數。我一直企係生產線第一個位。於是黑人趁 break時帶我走到生產線尾看看尾部 local staff 的慘況，暗示要我 plant 多於兩行。本來 planting就辛苦，依家要plant更多，不禁覺得有d委屈。
The Power of Money
在 tnb工作的第四天是我 22歲生日。之前曾經同早我兩日生日0既 local staff "靚嬸"透露過自己比她遲兩日生日。當天番工一見到佢，佢就即刻同我講 happy birthday。其他local staff 聽見，都同我講生日快樂。黑人更在morning tea時在我耳邊唱生日歌。其實靚嬸生日時我地一班backpackers都有份食生日蛋糕。tnb的確係一個幾有人情味且尊重backpackers 0既farm。
不過生日還生日，經過整整四日的planting，我和tak 的手臂及背脊已痛得不可開交，完全乏力，根本冇力壓種子。當日下午的工作，基本上都是靠意志捱下去的。邊忍痛邊工作，想起自己身為大學生，走到澳洲的鄉下地方做二打六，還要忍受這樣的折磨，一時感觸，有流淚的衝動。黑人見狀，向另一local staff 說:"she may not be here tomorrow! "
planting 的backpackers每小時有五分鐘小休，大家都死咁制。
當日下午，老板娘派頭兩日的糧單。驚訝地發現才工作了兩天，工資竟然逾二百元！！這裡的工資是１６蚊澳元一小時，係我０係澳洲咁耐以來最多的。在ＴＮＢ一星期做五日的工資比起在ｋｏｏｍａｎ一星期做６日還多。我不禁用廣東話大叫 ”點解有咁多錢ｇａ？” tak仲搞笑：”係ｌｏｒ，唔值咁多GA WOR!" 黑人問眾BACKPACKER "GOOD? EVERYONE HAPPY?" 我連忙點頭。剛才的那些什麼大學生感慨到都拋到九霄雲外。其他BACKPACKERS都笑我，話終於都見到我笑了。
生日當晚ｔａｋ在累透的情況下整左個大餐俾我食。由於個蛋糕的”２２”字樣太張揚，惹來一些八卦鬼佬的注意，喝醉的”癲佬”更大唱生日歌，其他熱情的鬼佬又一齊唱（even佢地唔知自己唱緊俾邊個聽），既尷尬又難忘。
在ＴＮＢ工作的第五天終於可以做做PLANTING以外的工作，就係我在ＫＯＯＭＡＮ做到爛熟的”清野”。我地一眾女BACKPACKER只需清，不用把清出來的沉重廢物搬到垃圾糟，讓男STAFF幫我地搬。在ＴＮＢ搬不動重物，是奉旨的；在kooman搬不動重物，卻要被炒。
ＴＮＢ的工作兩個星期便得結束。最後一天，黑人帶左一Ｄ糖果俾我地食。臨走時又續一同我地握手告別。離開了人情咪濃的TNB，前路將會怎樣？
在tnb工作了一個星期的晚上，曾經在sydney當我地澳洲通0既何卓敏帶埋個妹來到emerald探我地,仲買埋燒肉同自製蛋糕，非常有心。
australian football聯賽決賽當日，0係誤打誤撞的情況下同左hostel一班鬼backpackers去melbourne city的 pub睇波，又0係誤打誤撞的情況下同荷蘭佬來到歐永櫸同佢女友相遇的 a1茶餐廳食飯。a1 一個碟頭飯最平都 $7.5，不過太耐冇香港野食過，決定豪一劑。
之前住0係uncle auntie家中一直冇機會見melbourne city夜境，今次同一班鬼出來終於見到la!!
本來呢張相係我0既獨照，最後卻變成合照。還記得當晚同荷蘭佬一齊由melbourne city番emerald，我地叫荷蘭佬唱荷蘭國歌，佢唔怕醜大聲唱。荷蘭文好奇怪，聽起來像鴨叫。佢唱完叫我地唱番出來，我地唱唱下扮鴨叫。於是佢又" ching chung ching chung" 的扮唱中國國歌。之後佢教我地讀佢個姓，讀音係 "蓋 ya"。個 "蓋" 音要好似痰上頸咁0係喉嚨底發聲。於是我地每次叫佢都要扮痰上頸，佢一臉無奈地說 "You laugh on my name!!"。
荷蘭文真的很難發音。不過學荷蘭文都幾好玩。
沒有留言:
張貼留言