Emerald Backpackers
告別Uncle Auntie
tak一直埋怨 uncel auntie冇帶我地遊覽 melbourne，依家終於有機會。因為 uncle將會車我地去已預定的 working hostel - Emerald Backpackers。
臨走前，我同tak拿出”伙食費”同月餅俾UNCLE，佢唔肯收我地$，只肯收下月餅。白食白住一個星期，真的有點不好意思。尤其知道uncle原來失業。由於預料到了working hostel會冇啖好食，我地０係唐人街大量入貨，行李多得驚人。uncle 幫我地搬行李入車尾箱時也不禁爆粗： ”Diu 拿星！你兩個乜鬼BACKPACKERS，咁撚多野ｏ既？”我們只好低頭偷笑。
臨行前同auntie合照
飲茶@Melbourne
Emerald 位於melbourne city市郊，離市中心一小時車程，位於melbourne著名蒸氣火車 puffy billy其中一個大站"LAKE SIDE PARK"旁，係城市人假日熱點。０係 uncle的車上，望著車外 0既城市建築物逐漸遠離，心裡對快將再打農場工，重過backpacker生活感到既驚又喜。突然，車停在一中式酒樓旁，原來uncle auntie帶我地去飲茶餞行。本來想請飲茶，連點心卡都搶走，但uncle跑到收銀處唔俾我地俾＄。這”人情”，我地是注定要欠的。
破舊backpackers
車子經過一些美麗的山丘松林，車路多灣而窄狹，令我覺得我地似乎正進入什麼不毛之地，但景色的確漂亮。好不容易，車子在一看來有點殘舊而細小的屋子停下。UNCLE 說我們應該到了。走進屋子找hostel負責人，打開門，看見屋內殘破弄髒，那開放式廚房有一大堆未洗的碗碟。最教我吃驚的，是兩個坐在梳化上的中年鬼佬，一頭長髮和隨意的打扮，活像美國那些七十年代不修邊幅的rock band band友，哪是backpacker? uncle問佢地負責人０係邊，其中一個話負責人出左去，並走去叫佢番來。於是我們一行四人周圍參觀，順便等負責人‧uncle aunties 似乎對這些backpackers幾有興趣，他們像循視業務般撩其他backpackers傾計，又同佢地打聽呢到０既工作情況‧我同 tak 跟０係佢地後面，感覺有點尷尬。（後來果然有backpackers問我 uncle auntie係乜水，可見當時我地是挺觸目的）。
不久，看見有人驚著一架殘車到 backpackers，似乎佢就係負責人。看見這位負責人，真的嚇我一跳。身材高大的他有個啤酒肚，身穿曼聯球衣，走起路來卻像女人搬扭腰，說話又帶點娘娘腔。最要命的，是他的一頭嬉皮士假鬈髮（被 tak稱為「果副 ｋａｍ野」），一副玩世不恭的模樣，與外型成熟穩重的南澳 hostel manager Warrick，實在有太大分別。
呢位騎呢負責人叫 chris。寒暄幾句之後，帶我地到 ”房間”。那房間位於common room旁，打開門，只見一堆木同鐵，原來ｄ床仲未整好。chris 叫我們先到附近的 lake side park散步，俾時間佢幫我地整番張床。
跟 uncle auntie到lake side park，離 hostel不夠五分鐘路程。這公園不及彭福公園大，不過景色尚算清幽寧靜，仲可以釣魚。似乎呢間 backpacker，可取的就是附近這一個不俗的公園。
回到hostel，chris已弄好房間，並對我同 tak說已經安排了工作給我們，是一份摘花的時薪工，有１３蚊一個鐘‧並安排了一個日本backpacker載我們上班。好開心真的可以再投入工作。
晚飯時間，終於可以見一見其他backpackers。驟眼所見，backpackers只有十幾個，韓國人居多，都是分小圈子一堆一堆地吃飯／睇電視，common room氣氛不夠南澳時好。其中有三個鬼仔，操著不知什麼語言，當一個正睇電視的韓國人想轉台，佢地三個即大聲呼喚”FOOTBALL!"，示意個韓國人唔可以轉台。我同tak暫時稱佢三個做 ”惡霸”。回想在南澳期間，我因為性格較內向被動，跟我談得來的外國backpackers並不多。這次再住hostel，我係有心主動結識一下外國朋友。但見到咁０既環境，住客好像都不太友善，實在有點令我失望。
飯後在common room寫日記，竟突然停電。god!這樣的一個鬼地方，叫我點住落去？我只希望 ０係度儲夠二千蚊（當時我大約有七百幾澳幣身家）就離開，去中部睇大石。真的沒有想過後來會在這真經被視為鬼地方的backapckers前前後後住接近半年，成為我的第二個家。
沒有留言:
張貼留言