澳洲闖蕩之旅(二) -南澳打工 PART II

摘果樂與怒

主宰我們命運的job board

第四日，我地終於等到了我地最驚既一份工－ 摘橙，一份件計０既工作。同行０既有間接弄得我 pizza 著火０既紐西阿叔 braydon，酷似我一個中學老師０既日女 ”Miss Tse”，同 hostel 內惟一比較睇得下兼有幾分似劉浩龍０既日本仔。一睇就知道最弱既就係我同 tak 兩個。

其實嚴格來講我地摘果ｄ唔係橙，係一種叫'tangerin"０既生果（後來睇書先知佢係一種將提子及橙０既基因混合而成０既生果），外型同橙冇分別，食落好酸。tangerin原來係一種比較難摘０既生果，因為樹高且大，想摘樹腰同樹頂的 tangerin 要用梯。個梯又大又重，要移動佢都好花時間；D tangerin 唔可以掏手摘，一定要用slapper剪，仲要剪得好入，因為剪得唔入突出頂個「定」的話 pack 箱後個「定」會傷害其他 tangerin 的表皮。正因如此，摘 TANGERIN　０既人工較高，有45 元一bin ( 個 bin有一米乘一米咁大）。

摘果的確辛苦，尤其當你好努力去做，但發現個ｂｉｎ裝極都唔滿時的確很令人泄氣。最難頂的係那個尖酸肥老細，周不時會來檢查我地摘０既果。有一次佢嫌我摘的果個「定」太長，一口氣０係我個ｂｉｎ丟走了十幾個果，仲話唔會accept pickers like this. 又有一次佢發現我摘果行樹０既樹頂仲有好多果未摘，恐嚇我唔清埋佢唔俾我走。果ｄ位置我的確清唔到，好彩紐西阿叔夠義氣，主動幫我清埋仲將ｄ果放入我個bin，我愛你呀紐西阿叔！

紐西阿叔 braydon

其實摘果呢份工幾自在，除左尖酸肥老細間唔中來循查，其他大部份時間都冇王管。鍾意幾時休息就幾時休。紐西亞叔又會開車既收音機等大家邊摘邊聽下歌，冇咁悶。不過件計０既工對於我呢個弱質纖纖雞手鴨腳０既人來講實在唔係路。連日來我每日只可摘１+ 1/4 bin，搵得六十幾蚊一日，扣埋住宿食物我冇咩錢可儲。再咁落去，我幾時先可以去玩?

有份摘橙、酷似劉浩龍的日本仔。

同hostel manager 講我地０既難處，佢有ｄ唔耐煩咁話佢真係冇其他工俾我地。這的確令我同Tak士氣低落。紐西阿叔安慰我地，做過呢份最難０既工後，我地可以做全世界任何工作。

後來我同 Tak 終於搵到摘果摘得快０既秘訣－　賤格地偷隔離行樹底ｄ果來摘。呢個方法的確令我成功突破到兩ｂｉｎ一日，不過呢個秘訣發現得太遲。之後都一直冇機會再摘橙，因為 Warrick將我同Tak安排去最適合我地既工作－potato sorting again。

再做 potato sorting，我同 Tak 被分開soft不同範圍的potato。我同同房 Yumi 同日女 Yumiko part local worker Sandra。再part Sandra，發覺佢唔係我想像中咁惡。反而第一次同韓女yumi合作就真係嚇我一跳。佢好似當左佢會0係度打一世工咁，比 Sandra更投入更快。有幾分鐘我真係停晒手望住佢，俾佢嚇呆左。

之後我同Tak０係偶然０既機會下被安排在 Shed 內分薯，唔使跟 harvest車食塵，且工作時間長左，又可於設備完善既 common room食lunch，我同 Tak都非常滿意。可惜好景不常，才轉職兩日，個shed就停止運作。

與hostel manager warrick理論

之後我同 Tak被安排 Take左 Yumi 同 Yumiko 室外分薯０既工作，佢兩個就被安排做筍工olive oil packing。此舉令 Tak相當不滿，我地唔明點解要我地代佢地分薯，好讓佢兩個去做新工olive oil。我同 tak 剛失去室內分薯０既工作，有新工，應該係俾我地，點解會俾左本來已有工作既yumi & yumiko? 本來我地都唔諗住出聲，因為唔想得罪 warrick大日冇運行，但第一日替 Yumi & Yumiko工作，竟只做了３個鐘，等同白做。同 Warrick 理論，佢今次出奇地順攤，同我地講 'this is my fault, I will fix it"　就冇再同我地理論。

第二日照去分薯，分左幾個鐘，Sandra 帶我地去olive oil shed join 埋Yumi 加Yumiko pack olive oil。似乎 Warrick有做野。不過我覺得個Shed唔係好需要我地，我地都係黏下label 搬下箱０既"輕can"工作，有時幫手清潔。Tak 好高興可以重返olive oil shed，其實我又唔太”恨”，因為不斷俾人點來點去，好有做廉價勞工０既感覺。

分薯 ＋ olive oil 的工作只持續了兩日。第二日晚，Warrick 滿面笑容問我仲會住幾耐，又問我地想唔想做 weekend job。weekend 都有工開，梗係 「Lur飯應 la!」。似乎WARRICＫ俾我同TAK煩到怕，居然俾份WEEKEND JOB 我地。

澳洲打工生涯中遇過最好的老細

同我地一齊番 weekend job 的有剛來的鬼情侶，由鬼情男載我地去開工。WARRICK話呢份工係'CUTTING STICK'，以為應該好”輕ＣＡＮ”。去到先知唔係ＣＵＴ，而係”抆”，將泥土中的樹枝連根扯出，非常困難。我同ＴＡＫ出盡力都扯唔到半寸。我同ＴＡＫ有見及此，為免受傷，決定同農場老講我地做唔來，問佢有冇其他工作可做。這位肚腩大如懷著七胞胎０既老細話佢會叫 hostel manager 接我地走。

邊嗌 "Diu " 邊扯樹枝原來有用

我同ＴＡＫ於是就等人接。但等左一輪，七胞胎老細又改變主意，叫我地留下來好收集其他人扯出的樹枝。收集完畢，一岡人等包括老細自己都企埋一齊修剪及捆綁樹枝，有講有笑。呢位老細同其他 Farm　０既阿頭好唔同，好尊重 BACKPACKER，叫人做野，會先問 " DO YOU WANT TO ........ ?”。捆好第一輪，大家又再走出Farm 扯樹枝。我同Tak都有去幫手，老細叫我地小心Ｄ，扯唔到不用勉強，以免受傷。老細咁好，我地都冇偷懶。扯唔出，嘗試邊大叫廣東話粗口 "Diu”邊扯，又好似 Work 喎!

臨收工時，肥老細竟然問我同 Tak 聽日會唔會再來，我地好Surprise，同佢講 ' BUT WE CAN'T HELP MUCH"，肥老細話唔緊要，仲託鬼情男通知 HOSTEL 我同ＴＡＫ第二日都要番來‧我同ＴＡＫ真係喜出望外。我地咁廢，都可被挽留。