寫意的一天

星期六番早收工又再到我熟識的南丫島同老死自由行。

雨一直下，我地先闖入一好像叫書蟲0既 cafe食tea，順便避雨。原來呢間cafe係食齋，我點了個pizza，係齋的，都係第一次試。見到有人點了burger，都是齋的，望落好大件，成75蚊，唔知夠唔夠飽。

cafe環境不俗，不過0係cafe hea到成五點，坐到有d厭。一場來到南丫島，我還是想行行山。於是冒雨去洪聖爺灣。雖然落雨，洪聖爺灣仍然有不少遊人玩水甚至滑浪。同老死匿0係救身亭底，坐在救生員用的水泡上，邊看海，邊吹水，時間很快便過。我們到達索古灣已天黑。

到達索古灣已七點幾，但成九點先有船，又食唔起海鮮，唯有買支雪糕條，坐0係碼頭，一邊吹水，一邊等。期間又再下雨，不過冇影響寫意心情。閒時同老死吹吹風吹吹水，也挺不錯。

老死幫我拍的寫真。