澳洲闖蕩之旅(四) - Emerald Backpackers打工經歷(五)

重返TNB FARM

得悉無緣重返TNB，我同 tak都落晒型，冇晒心機 。放工後再去散步，見到chris，唔想睬佢。點知行過佢之後佢0係我地身後叫我地，同我地講我地聽日可以轉farm。我問佢轉去邊，佢話 TNB。問佢 for how long? 佢話 「for-ever」。聽到之後真係有ｄ難以置信，點解突然可以番去？後來聽chris女友台灣妹講原來 幾個原本assign左星期一做TNB０既新來 backpackers唔知咩事冇去番工 ，於是第二日就調左我同tak 過去幫手。不過，台灣妹話 chris因為俾我同tak黑佢面 ，將ｄ怨氣發洩左０係佢身上，之後就一直同 chris 冷戰。


台灣妹係我０係澳洲咁耐遇到的惟一一個台灣backpackers 。佢本身讀英文系，０係台灣的職位應該幾高，間中會來香港出trip。遲ｄ仲會過英國讀ma ster。但係０係愛情路上，似乎幾愚蠢‧明眼人一睇都知道chris對佢唔係認真 ，擺明玩玩下，但佢自己就鬼咁認真，又一齊訓又一齊住，亦以 hostel女主人身份自居 。表面上一片春風得意的樣子，直到在 tnb工作期間，佢發現chris背住佢力追另一韓國 backpacker才如夢初醒，經常愁眉苦臉，有一日仲０係黑人上司身旁哭起來 。多口的黑人告訴我們台灣妹哭係因為怕有chris的BB，決定離開hostel ，去perth走一躺便番台灣。

可能因工作關係，其貌不揚、娘娘腔兼有啤酒吐的hostel manager chris 戀事多 籮籮。之前０係 hostel識左個韓國女仔，仲跟左個女仔番韓國住左四年 ，０係韓國教英文，後來因性格不合而分手番澳洲。而繼台灣妹事件之後，曾經同我一齊係kooman打工的韓國肥妹又主動追chris，弄得全hostel都知道 。０係backpacker世界，唔潔身自愛、亂搞男女關係０既年青人其實都唔少。

呢次在TNB打工，少左日韓情侶、韓男「張東健」 ，氣氛冇上次咁開心，不過黑人依然鬼馬。除左繼續口花花，見我怕醜就成日話要我做佢老婆來睇下我咩反應。最記得有一次，佢靜雞雞學我地帶住耳塞聽 mp3，然後走來我對面伸個頭埋來同我講 "what did you say? I can't hear you!"　暗寸我地成日聽住mp3所以聽唔到佢講野。黑人０既存在，的確替沉悶的planting工作帶來了樂趣

第二次０係TNB打工，臨別前同黑人上司David來個合照。

TNB的工作三個星期便完了。又要面對失業．當初我地要離開windy hill，某程度上係因為驚 windy hill 唔知可以做多幾耐。點知windyhill份工長做長有 ，TNB完了，windyhill都仲有工開。不過chris話我地得罪左windy hill，冇得番去。（我地對此半信半疑，因為我地好懷疑windy hill 究竟記唔記得我地係邊個。)

其時，其實我地已經０係emerld住左三個月。同我地同期入來住的backpacker都走得七七八八。我亦早已厭倦了working hostel 的生活。有工開的日子，返工都做埋ｄ唔使用腦０既工作，每日最大的concern只係夜晚食ｄ乜 ，深怕自己智商變低；放假的日子，由於交通費貴，大多時間都留０係HOSTEL過WEEK END，無所事事，食完又訓訓完又食，同豬的生活無疑。我地已經儲到三千幾蚊澳元 ，係夠錢去旅行的。不過TAK得悉有人寄左生日禮物俾佢，佢想等埋Ｄ禮物先離開 。於是我地又去煩CHRIS，睇下下星期有冇工。CHRIS話來緊一星期都唔會有工 ，但係再下星期可能有，做 CHERRY PICKING。不過CHRIS話唔介意我地先到CITY一邊等工一邊玩。有工會叫我地番來。我同 TAK商量，決定暫時到CITY小住一星期，順便計畫一下離開 EMERALD之後的旅行計劃。

melbourne city小休

在melbourne小住數天，為即將開始的 tasmania 旅程花了接近一千元。在CITY無所事事，竟然懷念起 hostel的日子。由於唔想再花錢，所以0係明知冇工0既情況下番emerald等工。

     

MYER, 澳洲最大百貨公司之一。打左幾個月農場工，一身鄉下LOOK的我進入MYER的確有點不自在。

         

           X'MAS TREE @ FEDERATION SQUARE

       

         PRUSE @ MELBURNE CITY

   

       FULL MOON @ YARRA RIVER

才離開EMERALD幾天，番回HOSTEL後，竟發現HOSTEL已人面全非，來了勁多新BACKPACKER，我們原本住0既房亦冇空床。輾轉之下，我一個人搬到了八人男仔房。如果0係香港，我一定唔會接受。當時諗住住多一星期就走，冇乜大不了。除左有D臭味，都可以接受。而且男生房比女生房清靜。同我相熟的英國佬IWIN好意外我搬來，不斷哼起" LING IS IN THE BOY'S ROOM "。IWIN告訴我，每朝我離開房間後，同房的男生都紛紛彈起床換褲。 依家睇番D相，先意識到當時的居住環境原來咁惡劣。

   

    MESSY, SMELLY BOY'S ROOM

本以為今次番來要等一輪先有工開，點知去俾住宿費時，CHRIS話有一個MACHINE PLANTING工的空缺，我地兩個是但一個可TAKE，另一個就下星期一TAKE。我地唔知點決定，CHRIS於是叫我地估佢個袋有幾多錢，估中有工開。結果，份工TAK做左。我要一個人HEA到下星期一。

0係一個人等開工的期間，我同新來的韓國女仔小虹做左朋友。佢曾經0係中國學國語一年，d國語講得好過我。有次同佢去超市，佢用國語問我衛生間0係邊，我帶左佢去睇衛生巾，俾佢笑。

 

(上)等工期間tak 22歲生日，我呢個唔識煮飯0既人都弄出個大餐來慶祝。  (下) 小虹與我