我為自己出去闖搵左N個理由，不過最初同屋企人講我要去澳洲，都冇乜支持0既聲音。佢地覺得一個女仔0係澳洲冇人冇物周圍去太危險; 再者一個大學生走去澳洲打農場工，對前途又冇咩幫助。不過反對歸反對，佢地並沒有阻止我。公公仲比左4千蚊畢業利是支持我去澳洲; 阿媽又贊助我買個backpack，不過就不斷叮囑我 "頂唔順就番香港，唔使怕瘀"。
05年7 月10日於香港機場。
出發當日係零五年七月十日星期日，阿爸阿媽阿妹都有送機。不過當日我一d期待0既心情都冇。朝早去飲茶都食唔落野。夠鐘入閘，0係禁區同屋企人告別，見到屋企人一臉擔憂，想起未來一年都唔可以見到屋企人，一向好少喊0既我都忍唔住流眼淚。開始懷疑自己畢業唔學人搵$反而學人流浪係咪太任性。
心情一直到上機後才能平伏。到達sydney係早上七點幾。打電話俾0係香港book左0既jolly swagman backpackers arrange free bus to hostel，等左成粒鐘。０係車上睇見滿是英文０既街道才意識到自己真係０係異鄉。見到繁榮０既唐人街亦相當興奮，心想既然呢度有咁多香港野，要適應應該唔難。
坐左半粒鐘終於到達了jolly swagman backpackers。大門口坐左一班正在食煙飲酒吹水０既鬼，頓時覺得拖住個廿公斤喼加廿公斤BACKPACK 既自己有點格格不入。
check in後同TAK的朋友何卓敏會合。佢係我地０既中學同學，在adeliade讀書，趁sem break來悉尼玩一個禮拜。何的出現對我地兩個對澳洲日常生活常識一無所知０既香港人來講實在十分重要。０係佢０既幫助下，心急的我地到步第一日已經識得去common wealth開銀行戶口，去唐人街買平價電話卡打電話番香港；０係便利店買OPTUS電話卡０係澳洲本土用，０係超市買ＨＡＭ整三文治，仲去埋唐人街試下walk in搵工同埋上網店上網申請tax file number。
依家回想起當時第一日去到澳洲就做咁多野又唔遊覽好似太心急。但帶住唔夠二千蚊澳幣０既我實在很需要搵一份工。０係唐人街搵工０既結果並唔理想。ｄ人一聽到我地持 working holiday visa 即刻撤手擰頭，因為當時拎呢個簽証０既人係唔可以幫同一個僱主打超過３個月工。就連洗碗都唔請。我地亦去過一ｄ鬼佬快餐店／cafe碰運氣。不過都冇回音。
既然城市工搵唔到，決定去試農場工。我地０係一ｄ backpacker雜誌發現澳洲政府有 harvest hotline 幫人搵農場工。於是到步第三日我同 tak分頭就打去問，ｄ職員話呢個時候南澳０既工比較多，仲transfer左我地去兩間working hostel度。working hostel係一ｄ幫backpackers搵農場工０既hostel，你０係果度住，hostel０既 manger就會幫你搵工。我打聽到南澳0既 Barmera有工作，TAK打聽到南澳０既 LOXTON有工作，兩個地方都係聽都未聽過，就連澳洲人都冇乜幾多個識。由悉尼去坐灰狗巴士都要廿幾個鐘。由於BARMERA個hostel manager 聲稱佢有LOTS OF WORK，語氣好樂觀，仲話如果今日去，聽日就會有工開，講到咁勁，搞到０係悉尼搵工屢受挫０既我非常心動，當場０係悉尼買左去BARMERA０既巴士飛，準備０係悉尼住夠一星期就過南澳。tak 對到南澳打工有ｄ擔心，一來驚果度冇工，怕俾人呃，二來其實我地０係悉尼搵工只係３日，可能仲有機會搵到城市工。但衝動的我已經唔想再受搵工０既煎熬。呢三日一邊搵工一邊「遊覽」，我覺得好冇癮。況且睇歐泳櫸本書，見佢係ｄ working hostel 結識咁多唔同國家０既人，覺得幾有趣。依家疊埋心水去南澳打工，反而令我鬆一口氣，好好享受悉尼。
就係咁，０係SYDNEY做左一個星期標準遊客，暢遊過opera house, sydney bridge, blue mountains ,darling harbour, rock market甚至冇咩人會去０既OLYMPIC PARK（事源係我地睇ｈｏｓｔｅｌ告示話果度請人派傳單，點知去到俾人放飛機），告別了澳洲通何卓敏，我地收拾行李，向南澳出發，展開真正的澳洲working holiday。
@ Olympic Park被放飛機
看過好多拿working visa去澳洲的香港人，堅持唔夠一、兩個月就放棄，希望你能堅持到底吧
回覆刪除你好．．請問tax file no 是什麼？
回覆刪除