轉工乎?

同事乙自爆已辭職去cu讀edu cert做準教師，內心一沉，冇乜心機做野。原來有同事要走，真係對士氣影響咁大。我話想走話左好耐，但係未正式認真去準備。睇來我係時候認真d去做。不過我犯左個好白痴0既錯誤，就係將寄去POST OFFICE 0既求職信寄左去社署，好白痴!!冇左兩個機會。

知道同事們都蠢蠢欲動，有D擔心我好耐都搵唔到一份好鍾意0既工，0係度做到人面全非。睇過近排的JOB VANCACY，心動的真不多。未有鍾意的，不想謬然離開。

睇到JOB MARKET有關我地公司的專訪，假得好好笑。

cindy聚

番來香港之後好耐冇見過cindy，大學時我同cindy有各自0既圈子同朋友，大係我地一齊join "jumbo"一齊做benjoman 0既mentee，一齊做jo chow 0既part time，所以都算幾有緣，可以keep 得到。畢業後各有各忙，但都食過幾次飯。佢舊年十一月轉左新工，0係間更大0既公司做hr，當年佢過檔，新公司幫佢賠錢俾公舊公司，條件係要0係新公司做足一年。但係佢0係新公司4個月一直都冇野做，悶到想走， 仲認真計過要走要陪幾多$。

不過雖然悶，但新公司0係福利、薪酬方面都唔錯，所以又唔捨得quit。0係cindy口中得知原來好多做番hr 0既同學都覺得番工冇意思，好悶，似乎0係香港地，番工就係咁。

我地0係香辣屋食dinner，之後cindy 請我去hargen dizc食雪糕，第一次去hargen dizc，唔係我想像中咁好食。

cindy已經同佢男朋友就結婚做準備。結婚離我好遙遠。

ADDICTED TO 隨時候命

 

 

工作上，冇咩好講，不值一提。依家我0既精神寄託，就只有<隨時候命>。

尋晚仲睇到三點幾，太瘋狂，但忍不住。

同之前那套講機司0既<衝上雲宵>比，<隨時候命>好睇好多。因為<衝上雲宵>去到中後期已經變成一套愛情婆媽劇，浪費了航空業呢個咁好0既題材。至於<隨時候命>，講述飛行服務工作的情節很多，感情線不婆媽且細膩，唔算老肚，ekin、jacky仔、林保怡又好戲，令成套劇都好好睇。尤其jacky 仔，好難得有咁好戲0既小演員，見到佢0係知道林保怡出事想喊又要忍住唔喊果幕，真係做得好迫真 。

 

 

******************************
尋日印notes印到一pat屎，唔可以原諒自己犯呢個錯。唔開心，惟有睇<隨時候命>。一口氣睇四集，將成套劇睇sai，有笑有淚。點解呢套劇咁好睇咁高質素，收視會唔好?真係唔明。

不過睇晒成套劇，冇左精神寄託〝好失落。同時令我明白到，我真係好須要一份我熱愛，而又充實自我，貢獻社會0既工作。我做緊0既工作，實在太無意思了!都唔知為乜咁。如果我有咁上下大隻，我一定投考紀律部隊，貢獻社會。

隨時候命

一直想看我在澳洲期間播出的有關香港飛行服務隊的無線劇集<隨時候命>，細妹曾多番推薦，到現在才有時間看，反正現在無線正播映的劇集，沒甚睇頭

只看了兩集，我就下定決心要看完整套劇，因為飛行服務隊，實在太型了!\

主角鄭ekin，本來對他沒甚好感。雖然他很英俊，但歌實在唱得差勁。但劇中的ekin，實在很有型。型得令我很想找個飛行服務員做男朋友，怎料阿媽即時撥冷水:"唔好心頭咁高"

但我實在受不了公司那些跟我朝夕相對、卻只懂行街睇戲食飯打機0既男同事們

告訴我，哪裡可以找個飛行服務隊隊員?

搭訕

這天lunch time，又再到九龍公園水池邊睇書

忽然一對外籍夫婦坐在我身旁

他們正興奮地研究一部相信是新買的具拍照功能的手機，還自拍

我在旁偷聽他們的對話，發現他們操的是一口熟識的澳洲口音英語

有點想搭訕，但在香港，我已很久沒跟陌生人搭訕

怎料，當那個男的興致勃勃拿了那部手機到水池邊拍照，那個女的忽然對我說"he is playing his toy!!"

這一下搭訕，讓我更加肯定他們是澳洲人

細問之下，原來他們來自adeliade，我很興奮，他們知道我曾經在澳洲住了一年，也很雀躍，興我談了數分鐘。原來他們來香港旅遊一星期，到過ocean park、stanley、take the cable to see the buddha but they can see nothing because it's too foggy、do lots of shopping，當天晚上就要回adeliade

臨走前，他們叫我要come back to australia，我叫也他們enjoy hong kong

"enjoy this country"，是我在澳洲backpacking時不少澳洲人對我說過的

現在輪到自己對澳洲人說，感覺很特別

短短數分鐘的搭訕，讓我愉快了一整天，也讓我重拾在澳洲的情懷

在澳洲一年與陌生人聊天的時間，可能比我在香港當年廿多年人的總和還要多

從來我都是內向被動的人，是澳洲人的友善和熱情釋放了我

回到香港，我也差點忘記了與陌生人搭訕的樂趣

LONG WEEKEND

上星期為了開班和GRADUATION忙了整整一週，這星期終於可以抖一口氣，還向上司請了星期期五下午和星期六的補假，過一個LONG WEEKEND。

請了假，心都飛向了LONG WEEKEND，加上上週工作了整整7天，身心俱疲，士氣極低落，無心工作。從圖書館領取了同事乙介紹的小說<兄弟>，不得了。繼HARRY POTTER之後，很久沒有看過一本令人手不釋卷的小說。雖然情節有點誇張，甚至瘋狂，但實在太引人入勝，完全投入了故事之中。我星期二借這部七百頁的小說，星期天便看完。也閱了同事丙介紹的<醜陋的中國人>，不過太負面，太偏激，看不下去。

***********************************************************

星期五1:30便下班，心情極佳。回上水興阿媽阿妹飲茶，回家扖在床上看小說，SO RELAXING。

星期六，約了TAK、EMILY、AUCH、還有AUCH的法國朋友PAUL行山。本來我是打算約EMILY兩個人到郊外散散心過一個簡單的週未，料不到事情會發展成這個地步，竟然有個老外。

真是一個教人意想不到的行山組合，大多人互相不認識，不過年輕人，無所謂。

當日領隊AUCH率領我們一崗人等於SAU KEI WAN MTR STATION集合坐巴士到土地灣行龍脊。不過家住新界北的我和TAK坐地鐵過海後竟在QUARRY BAY誤坐回頭車回油塘，遲了大到。之後坐巴士，巴士司機到站後又沒有提醒人生路不熟的我們下車，落坐站以後我們又走了相反方向，走了不少瞃冤枉路。同行的TAK知道我們要行龍脊，走冤枉路時問我們正在龍的哪個位置，為免傷害領隊的弱小心靈，我答:我地唔好問呢個問題"。年輕人，多走兩步，沒有大不了。反正那冤枉路的景色還是不俗。

好不容易到了龍脊的起點，聽說龍脊被旅發局推薦給遊客，所以沿途真的有不不外國人，問路都得說英語，港島區行山果然不同。惜當天天色不佳，最清楚的景色，不過如此:

 

雖然帶我們落錯車行錯路，不過我們的領隊AUCH還是挺專業的，帶了地圖向團友們講解。

AUCH的法國朋友外型真的很不錯，一身西裝LOOK打扮去行山，死未! 還逗得我兩個朋友挺歡喜的‧可惜人家已心有所屬，還專程由法國到新加坡找他的新加坡女朋友，在香港又興女朋友同住。我們只有看的份兒。想來我面對靚仔的定力似乎不俗。面對靚仔，除了在心裡由衷的說一句"好靚仔呀"，再沒有其他。反而與跟我談得來的AUCH吹吹水更令我稱心如意。

由於EMAIL趕在5點前到中環上課，我們沒有走到大浪灣，四時許已到中環吃下午茶。PAUL吃過東西後匆匆離開會女友，我們幾個吹吹水亦散場了。

和朋友行行山吹吹水週未，乃極佳的低消費娛樂。

****************************************************

星期日，下毛毛雨，行山之心仍不死‧本來打算跟父母到萬宜水庫，還教阿媽騙老闆娘婆婆來了要請假，但因為下雨，改往就近的鹿頸散心。雖下雨，雅致不減，還在鄉村再次吃了鄉下走地雞。我實在迷上了鄉下走地雞了。很滑，很有雞味，有一種哪裡也吃不到的風味。

不得不提，繼"傻雞"之後，屬雞的阿媽又多了個綽號，就是"走地雞"。

 

漫長的一週

年假後開工，積左勁多email，又開班，又要準備弄下星期日個畢業典禮，又有同事放假，踢sai腳，番左咁耐工，未試過咁忙。去旅行果幾日好似好遙遠，農曆新年就咁冇左。

以為初四開工會有開工利事or食飯，開工利事係有，不過係幾日後補番，得廿蚊。食飯係有，不過只有sales department d team leader先有份，然後打包d番來俾我地食。由於冇人有興趣/得閒食，最後淪為垃圾。似乎老闆心目中sales 0既地位較高。

新0既一年，我決定，我唔會俾自己留0係呢間公司超過一年。no way!!我要一份充實自我，影響社會0既工作。我唔要匿0係一間學校/溫室入面渾渾噩噩過日子。

春節韶關遊-day 3

day 3，去今個trip 0既重頭戲-丹霞山。不過天色依然欠佳，唔落雨已經萬幸。丹霞山好大，入場費一百，不過時間有限，導遊話只有坐遊船先可以睇sai所有野，不過每位65。我不太想參加，一來貴，二來去左坐遊輪，變相自由時間少左。不過老豆話來埋今次，下次唔知幾時來，所以豪一次參加遊船。

春節韶關遊-day 2

Day 2 6:45就morning call，好耐冇試過為左玩咁早起身。0係酒店食左餐質素一般0既自助早餐就要搭幾個鐘車去今日惟一0既景點-乳源大峽谷。山路多灣狹窄，又落雨，好難行0下，險象環生。司機勁響按，我問阿妹點解司機成日響按，明明冇乜車。阿妹寸我: d灣咁急佢睇唔到前面咪要響lor!你唔係唔知呀?我不禁佩服阿妹0既分析能力，讚佢有道理，佢一口中學生口吻說到:你 "kind 0者"! 咁都唔知!" 我問我只有小四程度0既阿媽點解個司機成日響按，阿媽好快就答到我:"轉灣睇唔到有冇車咪響按lor"

春節韶關遊-day 1

大年初一，我地六點幾就起身去韶關玩

對韶關，我一無所知。去韶關，係因為之前0係澳洲，我爭阿媽6千蚊卡數，番來後，老豆話唔與其要我還sai果六千蚊，不如拎來新年去旅行全家happy，於是就決定用果六千蚊去玩幾日。耐何0係新春期，6千蚊要玩幾日仲要for 4個人，可以選擇0既就只有d廣東省短線團。雖然我唔太buy跟團場番大陸，不過一家人去玩，都係志在唔使用腦開開心心，去邊同點去都唔係咩大問題，何況有大有細，自由行比較煩，所以跟團。選擇去韶關，係因為同其他廣東團比較，韶關團多山水睇，比較0岩我同阿爸阿媽。

我地七點幾到粉嶺上直通車，then0係文錦道過關後轉巴士開始行程‧架巴士望落幾骨子，但坐得幾唔舒服，又冇得挨後。不過我地今次參加0既係最平0既"關x"旅行團，唔可以expect太多。
第一站唔係睇景點，而係去買蜜糖。未落車，個sales就走上來介紹d蜜糖有幾勁。其中一種好似叫唔知咩"雄蜂巢"0既仲話男人食左可以三日不低頭，笑死。不過大多人都空手而回。
then都係去買野，睇咩釀酒廠。之前以為係去睇d酒點整，不過去到只有陳列品，冇睇頭。0係澳洲都去過vine yard n次，不過冇一次係可以睇到釀酒過程。

then食飯，8菜一湯，我地一家人同另一四人家庭一圍枱，全程冇交流，但又坐埋一圍，有d怪。

then直去今晚入住0既酒店-聚龍灣溫泉渡假村自由活動。呢個酒店好新，似乎專做旅行社生意。0係裡面，你可以見到 永x，康x，中x、關x0既團友。我地去到酒店才下午2點，房間好特別，係獨立式木屋別墅，好有渡假feel，有d似cradle mountain 0既yha，好有渡假feel。滿心歡喜的打開屋門，發現同枱四人家庭0係裡面，原來我地要同佢地share一間屋仔。更驚人0既發現是，d房仲未執，唔入得去住。我地兩家人就係咁0係屋仔個廳度睇電視睇成個鐘等人執房，但係兩家日依然冇任何交流。

好開心，有別墅住!!

係幾靚GA WOR D房。
好不容易先入房休息，已經3點幾，做緊賀歲杯，不過睇唔到幾耐就睡著了，一睡就兩個鐘。
雖然今年新年係暖左，不過廣東省北部天氣依然俾香港低好多，得十幾度，我又帶唔夠衫，所以就算酒店有n個溫泉池任浸，家人都冇mood浸，老豆就連泳褲都冇。但場來到，我死人都要去浸下。況且，唔浸都0咩好做。於是阿媽捱義氣陪我去浸。
0係澳洲 join kimberley tour時我浸過露天溫泉，仲要係夜晚，荒蕪冇人。不過好似聚龍灣呢d咁tourism oriented 0既就未浸過。聚龍灣有個池，第一個浸0既露天池d水唔夠熱，一離開水面就凍到牙關震。第二個池有大花灑做水力按摩，不過d水都係唔夠熱，只玩了一會。問d staff邊個池最熱，佢叫我去高溫池。途中拿了些免費熱荼/薑茶暖身。行行下，見到一d池0係個洞入面，d水0既蒸氣仲清晰可見，想必夠暖，於是同阿媽選了其中一個叫火龍泉的試試，伸腳落水就熱到不得了，但真的想去浸浸，於是0係池邊浸腳一會就走落池，這才真正體會浸溫泉0既樂趣，好warm好舒服。阿媽都落水，本來佢係捱義氣陪我來浸的，但佢自己都浸到唔願走。不過浸左幾分鐘就會覺得悶熱，很自然的就想離開‧於是我地浸下其他D冇咁暖0既水池，覺得凍就番去浸火龍池暖身，原本約好6:00PM JOIN番-係大堂等我地0既阿爸阿妹，到最後6:30先蒲頭。
浸完去食BUFFET FOR DINNER，其實D野食都好著通，都是中式野，冇豪野，不過自助形式總令人覺得開心。

大合照@酒店前門，可惜影相果位哥哥仔手震
食完野都未夠8點，咁早番房又冇野做，附近又冇街去，於是買左D煙花玩，不過無耐又落雨，所以好早就番酒店匿0係被入面睇電視，過了又簡單又滿足的一天。

輕快的一週

新年將至，一早已有sai holiday mood，呢個星期過得很快很充實

工作上，星期一忙sai要send去新加坡 0既野，星期二跟don同wenny代表公司去poly開會傾graduation，傾過d乜唔係好記得(因為我只係搭單去)，只記得偶遇靚仔版王貽興

星期三情人節，本來同我呢個冇情人0既人冇咩關係，不過我見細妹買朱古力買得咁開心，忽發奇想買d珍寶珠俾我一班低b男同事。我以為隔離department d女同事可能會買朱古力俾我d男同事，但原來冇。同事們都好surprise我會派糖，見到一班男同事一邊珍寶珠一邊傾野開會，很可愛

星期四公司中環分店開張，為左充撐場面，我呢d二打六都要去贈慶，出席上午0既開張儀式。我果日番晏，所以上午出中環，夜晚又照舊9:30收工，變相即係番全日。老板話番晏而出席0既同事可以加長lunch hour當補數，但一眾番晏0既同事都覺得就咁無左成日好蝕。我知呢個諗法係咁正面，不過當你諗起番早既同事又係咁早開工去睇開張，但係六點半就收工，而你又九點半先有得走，感覺真係好shit。上司都明白我地0既感受，因為我地一班番晏人呻左好多次，不過佢又冇咩表示，只係以身作則一齊番晏。

講番果個大家都唔多想出席0既開張儀式，排場都唔細，又有乳豬又有燒肉燒鵝白切雞金莎，但晨早留留，真係唔係好食得落呢d油膩野。望住一大堆食唔sai 0既燒味，我是何等心痛。記得當年0係perth，我係好何一邊推肚餓，一邊諗住香港0既燒味，諗到幾乎餓到暈; 又記得當年0係melbourne市郊emerald打農場工，由於對香港燒味非常懷念，不惜毫一濟，0係china town a1 resturant 以8.5澳幤(港紙成70蚊)，食左可能係呢世人食過最好食-既個燒肉煎蛋飯。如今望住一堆食唔sai 0既燒味，我竟有心無力。

食唔落燒味，我食生果。有我最鍾意0既kiwi，奈何冇任何工具幫助我食，只有膠义。嘗試用膠差分割個kiwi，當然唔得，同事奇里夫睇唔過眼，俾左把私家軍刀我，但分到了，又無匙"忽"d肉來食。用义去忽，搞到支义都斷埋，非常狠狽。

食完，中環同事非常現實，緊守岗位冇幫手清場，留下我地一班尖咀同事收拾殘局。0係呢d位，完全睇到邊d人無風度邊d人抵得諗。account果個lawerence，一個大男人，企0係度見一班女同事搬搬抬抬乜都唔做，cheap精指數有十個蘋果。

then番晏0既同事可以選擇先番公司or自由活動至1:30正常上班時間才上班，我當然選後者，去海港城page one, city super, 住好d window shopping，男同事們都番公司，因為想下午join埋番早d人一齊去打機。其實由於剛發現有一科0既assignment有大量學生扮襲網頁，大家都忙到飛起，番晏0既同事，大都沒有用盡果所謂延長左0既lunch hour。

夜晚，兩位同事行開左，上司剛剛去m記買左個餐當dinner，office得番我同佢，場面有d尷尬。我首先打開話匣子，問佢食咩餐，講左一輪，佢無la la問我慣唔慣，(好明顯有d無野講手搵來講) 我問佢慣唔慣d咩，佢話慣唔慣呢度淨係男仔，我話慣，不過唔憤番晏。之後佢剎有介事問我點解尋日要買珍寶珠俾同事們，唔通佢薰我派糖係因為想辭職?

收工去causeway bay 搵tak去行花市，佢10 30pm先收工，所以我搭天星去灣仔後試下行唔行到去causeway bay。離開澳洲之後好耐冇試過自己一個0係city行咁耐，之前0係澳洲成日為左省車費行幾十分鐘路。花市好多人，不過賣0既野對我呢個講實際0既人來講實在激唔起我0既購買慾。坦白說，有創意0既product唔多， 大多是唔等使的吹氣公仔，有d失望。

 

嘩! 湯家華呀!余若薇呀!

星期五有假放，雖然公司冇annual dinner，不過我就寧願放假多過食飯‧去飲荼，去圖書館，簡簡單單的一天。

星期六年十，九點幾俾老豆叫起身去行山，行左兩個鐘，then食完飯同細妹行上水花市，then又同kam同細妹去上水廣場贂雜技表演，then同kam去梧桐河散步，充實的一天。