討厭的 "阿大"
星期一重返久惟了的TNB FARM做PLANTING，今次已經係第三次番TNB FARM，一齊做的BACKPACKERS有日女、日男MASA、德情侶、韓男"永薫"同新荷蘭佬"阿大"。叫佢做"阿大"，係因為呢位人兄又自私又自大，一D都唔尊重其他BACKPACKERS。本來出來旅行，開開心心，大家都係BACKPACKERS，我在工作上都好少對其他BACKPACKERS有不滿。不過呢條友真係令人睇唔過眼。第一日番工一落車，佢就自己走去同BOSS及其他LOCAL打交道，唔識佢仲以為佢0係個FARM做左好耐，甚至係老闆個仔。一開工，佢就教其他BACKPACKERS D野要點做，仲教我同TAK點做，但其實今次已經係我地第三次0係同一個FARM做同樣的工作，實在唔需要佢教。後來先知佢屋企0係荷蘭都係開TURLIP FARM，佢本身係太子爺，唔怪得咁沙塵。
不過佢沙塵得來又唔見得好做得野。本來以佢既身型，0係生產線上應該要TAKE一D體力虛耗較大的工作。不過佢自稱背痛，唔肯做辛苦的位置，而黑人上司見佢同荷蘭藉的BOSS同聲同氣，奈佢唔何，叫 TAK 頂上生產線的第一個位。第一個位SUPPOSE係高大的人企的，因為第一個位的人除左要同其他人一樣PLANT兩行種子之餘仲要花時間伸手撥平D泥。相對細粒的TAK對於要做呢個位兼PLANT足兩行很不滿。佢同阿大協議輪住做第一個位，惜阿大應承之後出言反爾，仲話"NEVER TRUST DUTCH PEOPLE"。ＴＡＫ氣憤得大力丟種子，我見狀幫佢PLANT多半行，日女見狀又幫佢攞種子。
中場休息，BACKPACKERS都出去陽光下抖抖氣。中間金髮果個就係阿大。
工作伕事
阿大的確搞到大家幾頭痛，不過我地同其他BACKPACKERS都相處融洽‧記得有次放BREAK，見LOCAＬ WORKER ”橙帽”拎一０舊野去微波爐”叮”，仔細一睇，原來係一０舊生勾勾的薯仔。我不禁笑了起來。橙帽見我笑，一臉無奈的對我說"YOU LAUGH AT MY LUNCH"。唔知點解，日女同德情女都大笑起來，仲笑到眼淚都流埋‧橙帽好唔明點解自己０舊薯仔俾人笑成咁，無辜地說到”WHAT'S SO FUNNY",其他人見狀都笑了。苦悶的工作令一件咁簡單的事都能夠觸動大家的神經。
後來到我食飯，”橙帽”也不甘示弱，指住我盒飯叫到”YOUR LUNCH! ha ha ha HA!"，想取笑我的飯盒報復。
ＴＮＢ的PLANTING工作是既重覆又沉悶的。大家都要聽住ＭＰ３做先唔會悶死。不幸地，我mp3的耳筒有日一番工就壞左，悶得我想大叫。為左激勵士氣，我０係腦海中寫左一首叫”LET'S GO PLANTING"的歌，歌詞係”Planting is funny, let's go planting. Planting is funny planting is the best!"相當無聊，不過同事日女好記得呢首歌。我番香港後同佢ｅｍａｉｌ都有提起。
後來，日女借左佢個耳筒俾我，我開心得給了她一個熱情的擁抱。
TNB工作的最後一天，一次放break時同黑人上司０係common room門口碰個正著。可能因為當日係最後一日，黑人打開雙手要同我來個道別擁抱，我也習慣了這種西式禮儀，沒有介意。不過，tak同boss咸濕佬見到都好意外，boss仲一臉嚴肅的對黑人說”what are u doing? She's too small!"，黑人始放手。及後tak開玩笑同黑人講" I will tell your wife!", 黑人鬼馬地回應到 "you will tell I'm right?" 之後走左去。不得不承認黑人有時轉數甚高。
臨別大合照:左起日女、DJ ALO、荷蘭LOCAL、MASA、黑人、永薰、橙帽、德情侶、我、TAK、BOSS(咸濕佬)
終於真正離開TNB FARM，老闆娘送我們每人一扎花，我、TAK同MASA三個舊人收到的更是金色包裝紙包的貴價花。BOSS咸濕佬亦咀左我個女仔每人一啖。
TNB送的花。
沒有留言:
張貼留言