上次在伊朗第一次坐長途夜巴士搞到一肚子氣，今次終於坐到一架「堅」的VIP BUS。座位寬敞，有乾糧派，唯一不足係冇腳踏，對腳惦唔到地。
巴士12:00AM開車，六點左右就到Shiraz。由於係瞓瞓吓忽然到站，我地都顯得有點狼狽。伊朗之旅我一共坐左七次長途夜車。由於每次到站都好突然，基乎每次落車都係好呢HEA，頭巾半落，披頭散髮。為左 0係車上有優質睡眠，我戴黑超、耳塞、頸枕，著埋羽絨褸 (其實唔係好凍。只係羽絨褸最輕，所以帶上車用)。只係裝備愈充足，落車的呢 HEA 指數就愈高。
大概是為免的士司機開天殺價，Shiraz 的bus terminal坐的士要買飛。由的士站職員出價，再安排司機接載。我們要住的Golshan Traditional Hostel其實離巴士站好近，估計只有大約1.5公里，但的士錢要8萬(HKD$24)。後來我們發現在伊朗的士價格是視乎受人數。一個人坐的士會平過兩個人一齊。同司機講價，要講清楚係一個人0既價錢定係兩個人。
去到 hostel門口，雖然天仲係好黑，好彩有職員開門，仲俾我地入dorm room休息。這旅館是一個去年到過伊朗旅行的朋友介紹的，位置很好，跟粉紅清真寺很近，dorm room 床位一晚要40萬，約HKD$120，不算便宜，但common area的庭園挺舒適，而且wifi 很好。只是common area 的廁所好似冇抽氣設施，好臭; dorm room 裡面個廁所馬桶太細，容易有屎漬。員工又不見得會日日打掃個廁所，要自己開聲叫人清理屎漬。
Golshan Traditional Hostel
Golshan Traditional Hostel的早餐
瞓到九點俾庭園食早餐0既住客嘈醒。我們也出去食早餐同check in。呢間 hostel 算係走中檔路線，多數住客都係 couple 或family，冇乜backpacker，並唔係一個結識朋友0既好地方。早餐就冇Yazd的 Orient Hotel咁精彩，有烚蛋、青瓜、番茄、洗碗布烤餅，沒有熱食。我們在dorm room 又遇到了上海伯伯。他晚上就坐夜車去Tehran，很快就會結束他的六天伊朗之旅。
「橙子花園」Naranjestan-e-qavam
食完早餐都仲係好眼瞓，繼續休息至2點鐘先步行去附近的「橙子花園」Naranjestan-e-qavam，入場費15萬，很貴，但的確挺漂亮優雅，較Shiraz另一個更出名的花園「天堂花園」更具可觀性。
在「橙子花園」吃昨晚巴士派的乾糧當lunch。吸引了一個爸爸的視線，將自己個仔「擺上枱」來跟我們合照。
圖右上- 橙子花園大宅內的天花圖案是德國婦女。在伊朗很少見。
橙子花園大宅的bling bling大門 ，很壯觀，值回票價了!
bling bling牆身是鏡，可以自拍
遊畢「橙子花園」，在附近的小巷亂轉，看見一所學校。正值放學時間，好奇去看看，竟遇上猥瑣佬揸住架電單車低速行駛跟住我地，仲伸手入自己褲襠有所動作，SHIT! 嚇得我和Rachel急步離開。其實我地相貌平庸，一把年紀，衣著保守，何解會引起猥瑣佬的衝動??
圖加上電單車上那個人就是猥瑣佬
回到大路，我們向巴扎出發。Shiraz的巴札規模很大，由多座看來都差不多的巴札組成，指示不足夠，綜橫交錯，迷路是必然的。
圖中：巴札買的甜品 Faludeh，像一絲絲的刨冰，很甜，加檸檬汁會好吃一點
圖右：唸小學時公公在大陸買給我和弟弟的俄羅斯方塊遊戲機，一部黃色一部黑色，
竟然係伊朗巴扎見到，真係時光倒流十幾年。
偶遇一家型格茶館
偶遇一家型格茶館
點了據說是「窮人恩物」的Dizi 及穩陣的選擇Kebab rice，共39萬 (HKD$120左右)。Dizi食法比較複雜，要待應幫手先搞得惦。 Dizi其實是豆、肉、薯仔、蔬菜的混合物。食的時候先將混合物內的湯倒出，伴「洗碗布」烤餅食; 之後用工具將混合物搗爛，伴「洗碗布」烤餅食。不難吃，沒有中藥味。但不能說好吃。
食完飯想番hostel，問左幾個人走了不少冤枉路才找到巴札最接近hostel的出口。
粉紅清真寺
第二天7點半就起床，因為要趕在八點前到攝影勝地粉紅清真寺拍照。上海老伯說其實要等到十點左右清真寺的彩色窗花才是最光最漂亮，但8點半之後，旅行團一波一波的來。所以還是趁我們住得近，早D出門去拍個無人的照片吧。
我地八點來到，已經有幾個遊客到左。大家都只是靜靜地拍照，沒有人走近窗拍到此一遊照。粉紅清真寺的賣點是陽光照射下的彩色窗花，但工作人員只肯打開上半部的窗簾，下半部的窗被窗簾遮蔽，沒有陽光照射。我們問工作人員可否打開下半部的窗簾，他們指了指手錶，咕嚕咕嚕的一大堆波斯語不知說什麼，只好放棄。
後來8點半左右，真的有一個日本旅行團來了。人多了，開始有人不客氣走入彩光範圍拍到此一遊照。旅行團走後，又來了一些國內遊客擺pose拍照，幸好人數不多，對我們沒有很大影響。
上午８時的粉紅清真寺。太陽光還未照射到地顫上
上午８時的粉紅清真寺
開始有陽光照射到地顫
寺內的可蘭經成為遊客拍照的道具
接近十點，陽光透射窗花如水銀瀉地
當遊客開始減少，我請一個手持單反相機的美國女遊客幫我拍張到此一遊照，想不到之後她找我當她的 model，著我走到彩光下讓她拍照。臨走時我留了我的email address給她，著她把照片發給我，這是她幫我拍的到此一遊照。
其實在粉紅清真寺拍到此一遊照挺困難。無論擺咩野pose，都好似好作狀。
粉紅清真寺的外圍及長廊。只是大家都把注意力放進窗花上，沒人欣賞
在粉紅清真寺逗留至10點左右回hostel 食早餐。問hostel manager有冇tour 去睇Persepolis遺跡，manager話佢地可以幫忙搵司機，中國人特惠價US$45。我們覺得有點貴，問佢知唔知有冇巴士鴨仔團去，點知佢擰轉頭聽個電話之後就冇答我。後來我聽到佢同D老外開價都係開US$45，根本冇咩中國人優惠，條友都幾古惑。
食完早餐，陪Rachel去郵局寄postcard之後去tourist information center打聽有冇cheap tour，個職員話冇，都係叫我地自己包車去。於是再行去Lonely
Planet介紹的一家Travel agency 問，鴨仔團$30一個人，包車則是US$40一架車。其實我地對Persepolis都唔係特別大興趣，又估計0係我地hostel應該唔會搵到人一齊夾份包車。雖說很多人認為Persepolis是伊朗一重要景點，有歷史意義，只是視覺上只是一片廢墟，沒多少觀賞價值。與其俾幾十蚊美金去睇，不如食左佢或者用來買紀念品好過啦!我們決定膚淺一次，skip左Persepolis。
途經Arg-e Karim Khan城堡，上海伯伯說裡面破破爛爛的，沒什麼好看，於是在外面拍個照就skip掉，繼續向免費的景點「綠鏡子陵墓」Imamzadeh-ye Ali Ebn-e Hamze 出發。
Arg-e Karim Khan城堡
Arg-e Karim Khan城堡
沒有留言:
張貼留言