sick leave

終於完成左我0既自製月曆，十幾張5R澳洲風景相有用武之地。可以好好利用呢d相實在太重要，令我可以每日工作時都回味一下0係澳洲自由自在、豁然開朗0既感動。

年幾冇用0既md機竟然仲work，音質比mp3好好多。不過一隻md只可save十幾首歌太少，md淘汰得太快，我幾十隻md如果第日部md機壞左將會變成廢物。

呢兩日完sai大部份約dissertation workshop 0既工作，相對興鬆，同同事又開始熟絡，感覺不俗。我department全部仔，冇比較，又唔使刻意同人熟絡，又唔使太介意自己本來粗魯0既言行態度，又唔使花錢買靚衫化靚妝，對我呢個懶人來講實在係好事。

不過呢幾日咳到黏肺，公司已經好多人病，我冇咩其他病，但就咳到同事都驚左我，又叫我帶face mark，又叫我睇醫生。本來只係咳我一定唔會睇醫生，不過上司尋日收工時半講笑咁同我講"你會唔會去睇醫生呀?"我話:諗緊" 佢笑笑口咁話"仲諗緊?趁個病0岩岩起快d去睇la! 你聽日番早都可以休息下!" 言下之意似乎有d擔心我會傳染人。於是我睇醫生今日請我人生第一個sick leave。仲記得0係澳洲果時有一日我病到聲都冇埋都照開工，仲要係農場工，家陣番office工只係幾聲咳就因為群眾壓力而sick leave，真有趣。

睇左before sunrise，做過backpacker之後睇呢套電影更加有feel。我都試過0係melbourne同個以色烈男仔玩左一日，不過最後當然冇主角們般發生咁多事。主角們決定唔留contact，決定開開心心將人生惟一相遇0既一日做到最美好就算，因為好多0係travel時相識0既人交換contact後聯絡一兩次就唔再contact，反而破壞左一段感情。我0係澳洲都同好多人交換contact，可惜好多都keep唔到。諗番轉頭，可能唔留contact好過留。