好累好累

開始多野做，面對前人留低0既極混亂database，好頭痛。番完夜間番早間更是想死

覺得公司好多做野0既手法問題，例如有野delay，冇人會通知學生; exam頭四十五分鐘唔可以去toliet，好唔人道。考完試要學生0係name list簽名，浪費時間，又對杜絕頂包毫無幫助。ka ha講得0岩，唔可以將成套新加坡0既野搬過來，但舊人都只有跟舊rule，唔想/唔能夠改變。一諗起今日第一日考試七國咁亂又有人冇名又唔夠question paper，星期日要自己一個去搞實在擔心。

今個星期無la la試左d唔同0既野。首先係星期一要同阿head開會，(好似之前十年都唔開一次)

無la la被"安排"做"take minute，要我地幾個新同事問問題提意見，之後仲會每星期開一次會

阿頭0係會上話好記得我講過complaint係一個driving force，當堂呆左。係咩? 我有講過咩?

努力去revise..係wor，好似見工果時吹下吹下吹左出來，但係我真係無咩深印象

估唔到呢句無心插柳0既說話會係我獲聘0既關鍵。冥冥中自有主宰?!

跟住就係星期四開email發現自己被安排做咩"graduation ceremony committie"，唔係呀嗎?

sevice0既同事就只有我、ka ha、don (好彩呢個配搭都幾唔錯)

阿頭話我同ka ho剛畢業，所以想我地俾d新意見公司。我想講，你選錯人了，因為我連自己個大學畢業禮都冇去，我都唔知一個grand 0既畢業禮係要點。anyway，被選中應該係一件好事。公司fresh grad有四個，四個選兩個，如果冇份，或者我仲多野諗。

呢個星期有兩日同ka ho一齊放工，發覺佢份人好正面。我同佢係工作上0既拍檔，連committie都一齊被選中。佢好treasure可以做committie同uop，因為呢兩樣都係公司0既重頭戲，workload係重d，但應該可以學到好多野。佢唔講我都唔覺tim。原來佢放棄左sony psp cs0既工作，我係佢實take sony la!

*********************************

退稅終於拎到手，第一期糧都出左，番得23日所以得六千九，唔覺得自己有錢左，因為還債後冇幾多會剩

***********************************************

睇詩遊記講北京，介紹埋798藝術區‧記得當年我去北京搵798，問左好多人行左好多冤枉路先搵到，好多local都唔識。去到，emily又冇心機睇，我拿拿臨行左個圈就走左，睇電視發覺miss左好多野‧798真係好型，他日有機會再去北京都想再去。

烏郊騰- 荔枝窩- 吉埔- 鹿頸

終於可以同阿爸阿媽一齊行山，幾年冇試過，目的地係荔枝窩，因為老豆死話要去，但係佢根本唔知荔枝窩有咩睇

九點幾先起身，唔知點解竟然搞到十二點幾先到烏郊騰起行。其實呢斷路我幾年前同tak跟行山團行過，不過印象模糊，而且相反方向

烏郊騰至荔枝窩一段唔算難行，係開頭要怒上，天氣又焗，副眼鏡出sai蒸氣，行咁多次山都未試過。臨到荔枝窩，要過溪澗，由於落過雨，d石好滑，even著行山鞋都幾乎"線"親，要老豆扶。當年我0係澳洲過呢d都唔使人點幫ga?番到來依賴sai。

行左個幾鐘都冇食dbread，因為想去到荔枝窩食熟食‧記得當地同tak去荔枝窩，賤格地食左餐霸王餐。荔枝窩有兩檔食肆，但provide d食物係一樣，都係得雞粥、炒noodle、鹽焗雞、油菜。 原本想幫襯榕樹下果檔，但佢地已冇野食，惟有幫襯另一設施較簡陋，由兩個客家女人開果檔，三個人點了炒noodle、菜、半隻雞、雞粥。d雞同菜都好新鮮，不過所謂"鹽焗雞"就好明顯冇鹽焗，但好滑好黃油feel，叫老闆俾d薑蔥，佢即場0係我地面前拍薑，點左薑蔥就很不錯。呢餐咁簡單又原始0既午餐食得好飽好滿足。

設施簡陋0既食檔。

簡單又滿足的一餐，難得阿媽冇"彈"。

冇薑蔥，八十幾歲0既阿婆即場拍薑。

以為荔枝窩有船出市區，原來冇，惟有行番去烏郊騰or廘頸，我地選擇廘頸。睇完荔枝窩d怪樹就起行。由荔枝窩去吉埔村一後d石好"線"，就住就住咁行行到膝蓋都痛。不過唔係行左好耐就到吉埔。吉埔原來未聽過，但去到真係有世外桃園0既感覺，有好靚0既蘆葦田，有海，面對沙頭角，有不少人來影相。d村民都好nice，兩檔食肆0既老板都叫d行山人士隨便坐，even唔食野都可以，又叫我地唔好用公廁，佢地起左個靚d野俾遊人用。當時正值黃昏，更加覺得靚。

then行一段沿海小路到廘頸，約45mins，沿途影左好多相。

條路有好多牛屎，仲有好多牛。牛飲奶我都未見過。

 

對面就係沙頭角。

 

 

 

就係呢個路口行入吉埔。

行過一個小山波就讀廘頸。小巴站又有兩檔食肆，個老板娘又好大方，拎d椅子出來俾人等車時坐。香港d鄉村人又幾明白待客之道。

 

 

正式員工

well，我頂替0既果位winnie終於離職，等左兩個禮拜，我終於有位坐，有電腦，有email account.唔知幾時會有卡片呢?

星期五番番下工，幾位同我一樣都係今年先入職0既同事話要上咩training，我以為公司對我地咁好，俾個training我地，原來個training係online聽新加坡一個 lecture，我地幾條友坐埋一齊對個mon上堂，幾無聊。個topic係interpersonal skill，講英文，好耐無試過上堂，加上d內容好多讀u時都有睇過，所以無乜心機。如果大日d阿head玩野出個quiz講番個training，我實pk。睇d0係大公司做0既大學同學xanga，見佢地d training pro到last 幾日，又住酒店又有starbas coffee + cakes做refreshment，好羨慕呀!

工作上，由於我上司samuel同同事阿don太好人太無架子，又唔嫌煩，咩大小二事，都費事煩請教佢地，變得十分依賴。或者對我呢個做野急進又粗心大意0既人來講，有呢兩個好幫手實在係幸運0既事。如果對住好似以前0係有線果班女人，有野唔識做都唔知點算。但另一方面，又驚會被寵壞，大日轉工就好難適應。不過，無可否認，問，係解決問題最快最有效0既辦法。

入職兩星期，真正做野做左兩日，已經對公司要求我地send mass email要續個send感到煩厭。明明兩分鐘搞店0既事，要個幾鐘，好浪費時間。

busy day

今日番工，上司叫我打俾學生繼續試探個阿sir係咪用d negative字眼話學生，無料到，不過就聽到佢地對其他野0既投訴，覺得自已太fresh，唔識回應。八卦0既manager竟然無la la"中個頭"埋來我身邊聽下d學生講咩，俾佢嚇左跳。之後要打俾阿頭margret吹佢send ppt，阿頭wor，有d"拗"。而且見工果時佢又好cool，好在阿頭0係電話到好nice，但係自己仲係有d騰雞。去左澳洲成年，騰雞呢樣野都係改唔到。

lunch time出去買小食，竟然0係lift口見到margert，第一次同佢傾計，好驚講錯野。不過唔知點解，同佢講完野之後心情好左。

天文台話星期六轉涼，得18度，大家都嚴陣以待，準備d冬天衫，including me。0係hk standard，18度係好凍，但係oz，尤其0係melbourne打工果時，18度真係小兒科。當年得十度我都係0係露天花farm weeding，4度仲camping 訓swag，邊有羽絨著?

終於似番個staff

已經睇資料睇左兩個禮拜，manager終於叫我可以坐就快resign 0既winnie個位，試下take佢d野來做

上午上班，好快已draft好要send俾學生0既email同搵出佢地0既email address，無野可做

其他番早0既同事都無野做，我上網去左個0係澳洲working holiday緊0既hk人blog睇左好耐

搵番好多久違左0既0係oz 時0既情懷，i need them!! 果位人兄u grad後做左一年野去oz，0係adelaide一個人過24歲生日，0係張床一個人時忽然覺得自己廿四歲人都好似冇咩成就，畢業一年做0既工作冇achievement，徒左一年，希望0係oz搵到人生方向。其實我0係oz真係冇咩諗過前途問題，尤其見到d韓男成三十歲人仲渾渾噩噩0係oz working holiday兼extend visa，又見到好多鬼都唔介意年紀比較大先發展自己career，就覺得自己仲後生。當然0係香港，廿三歲已經唔細，要讓家，要有成就。無la la去澳洲耕田，唔係咁多人識欣賞。反應番左香港，先認真反思前途問題。同同事don同ka ho傾過(0係公司比較岩傾的同事就只有佢兩個)，發覺大家都冇諗過呢份工係一份long term 0既工。don想做account，ka ho未知想做咩，但係我真係唔知自己除左傳媒工仲想做咩。我唔想sell野，又唔想做d好似依家呢份咁冇咩前途，濕濕碎碎又多deadline又多rule 0既寫字樓工，又唔想做d日復一日年復一年0既工。番工更加令我覺得自己0既世界好細好渺小。究竟做唔到傳媒，我仲想做d乜? 工作估人生大部分時間，如果冇一份自己滿意0既工作，實在太浪費。

食完飯恰左一陣，winnie番到，manager叫我地打電話俾d學生問佢地對d tutor 0既意見。0係office睇資料自閉左兩星期0既我，由見工時淡定有錢淨0既姿態變到依家居然覺得打電話俾學生好緊張，真係冇用。s之前搵左0既學生email，由於資料混亂，有錯漏，搞到過左放工時間先走得，番咁耐都未試過。終於似番個staff。

又冇野做

今日番工又冇野做，睇足一日資料，對住同一樣0既野坐足一整天，想死

得office個阿嬸覺得我可憐，話我個樣"藕"，同我講"見到你就慘，自己一個人已經悶，仲要睇足成日野"

我都唔知點形容我呢個處境究竟係"筍"定係慘，唔識講，好無奈

manager 都知我冇野做，都冇怪我，到臨放工果幾個字興致勃勃叫我draft 個email，似乎為終於搵到d野俾我做而高興，仲叫我可以聽日先交

又失驚無神問我邊科唔使考試，好彩我雖然對d睇左一整天0既資料對到"藕"左，不過我仲識，冇俾佢考到

*****************

聽到隔來department d女仔同我地department d男仔講起要趕走佢地department個靚仔

佢地講得好隱晦，話咩有10%0既人驚左佢，又話咩估唔到呢d野會發生，又話咩命犯桃花，好想知係咩事，畢竟成間公司靚仔得一個咁大把，不過d女仔講到咁，究竟個靚仔衰咩呢?

上班第二星期

番到第二個星期，同同事0既交談機會不太多，不過好彩有阿don呢個好肯講公司野0既同事比較0岩傾，八到d野。

不出我所料，呢個post留唔到人，之前幾個月有幾個人做兩做就走。我係來頂winnie個位，佢下星期就走。佢跟開-既野將會由我同另一個fresh grad一齊跟，有d難度，大家都fresh，好多野都唔係好知。

manager samuel冇讀過大學，唔知係咪因為咁佢對住一班u grad 0既手下都冇架子，又唔怕煩?佢老婆係診所護士，剛剛生左bb。剛畢業拍著samuel比較平易近人0既supervisor都幾好，if拍著好似有線 gigi咁0既變態婆就pk。

今個星期首嘗番夜滋味。番夜同番早都幾大分別。番早冇咩學生來，冇咩人serve，基本上可準時收工。番夜好多學生，又要拉車仔過第二條街0既課室送notes，好彩得我一個女仔，應該唔使我去。都係果幾個fresh grad過去，有階級觀念。尋晚第一次過去幫手做evaluation，第一次就lai野，班學生話上星期已經做左，唔使做。第二次果個阿sir似乎係新來，以為係同佢做evaluation，我入到去佢以為我係學生，叫我take a seat，繼續講書。 d學生叫我去吹佢，同佢講野佢又講英文，仲以為佢唔識中文，原來佢以為佢要speak eng all the time。

雖然好快個department得番我一個女仔，不過我又唔係好受著目。又冇靚仔，冇so。聽don講之前一直想請女，但d女interview表現唔好。

終於掌握左部廿幾萬0既super 影印機點用。冇野真係勁，可以自己釘埋。

anyway，遲d winnie走左要咩重飛，有d緊張。

我幾時先可以好似winnie咁quit左呢份搵份好d 0既呢?

無題

香港太細了，細到連個鐘樓都容納唔到。又話發展旅遊業，卻將d有特式0既建築物換成一式一樣0既商場/商廈/樓盆，想點?

當自己愈來愈唔鍾意自己份工但又唔quit得0既時侯，點算?

一星期得一日假，對我呢個懶人來講太少了。

行街見到一對情侶，個女0既一路睇衫一路鬧佢男朋友正仆街，then又好似冇野咁同佢男友講"你著呢件靚wor!"，then又對佢男友講fuck you，非常奇怪，前後好似兩個人咁，個男友又冇嬲，唔出聲tup低個頭。拍拖拍到咁，為乜?個女仔咁冇口德，點頂?

第二日-冇野做again (寫於第三日番工時)

九點半上班，九點5番到，竟然冇得入。由於samuel番下午，整個上午都睇資料，冇野做。lunch去銀行，傻下傻下去左聽個cs聽保險。

番到公司， 位都冇得坐，又冇野做，要坐出出面睇資料，感覺很不好受。覺得呢份工好清閒，`好穩定，但冇咩學，又冇咩前途。好似manager samuel，even he is manager〝佢做0既`野同我地一樣，我諗我未必做得長。(依家係上班時間，我冇野做仲要打blog。)

一直到下午同事winnie俾d coutinue edu fund 0既表我做先可做到六點半。有野做係好d。做做下亞視打來話詩遊記個quota已經冇，但有第二個節目可以參與，叫我聽日去見工。我冇問到個節目做d乜就推左人，好唔捨得。不過我錢都冇，點都要做番一頭幾個月野先可以玩。

放工去甘公司，比我想像中大，好闊落。

day 3，整個上午都冇野做，同同事又冇野講，一直到下午三點幾samuel發現martin冇番我先可以有d野做，就係將d學生0既論文summary打sai入excel，實在唔明點解唔就咁keep d hard copy就算，要將呢d無關重要但內容甚多0既野數碼化。d學生d eng writtien skill都幾差。發覺自己打野依然太晚，希望冇俾samuel發現。點先可以同d同事多d野講呢? 真係冇兩句。

收到st sara個mt sodium電話，佢仲做緊，不過依然唔開心，但係sales period可以縮短至兩個月。每星期又有一日full day @ office，情況好過我quit果時好多。quit左一份mt做依家呢份冇前途冇野學-既工，真係好似有d衝動。sodium話我quit左之後佢要做埋我果份市場調查，真係唔好意思。原來佢之前都上過我公司見工，但聽左個工作內容之後就同其他見工者走左。原來我

原來尋日0係自己畢業禮前跳樓果個ust學生係同事jason個同學，jason今日去左畢業典禮冇番八唔到d乜。好奇上左個男仔個xanga睇，睇唔出佢有自殺傾向。一個冇經歷過挫折0既大學生"委屈"做sales，開唔到單，首嘗人生挫敗，我明白係會好難受。唔明點解佢quit左份工先自殺。心理學家話佢可能患左"畢業恐懼症"。我諗我都有，話sai學生同打工仔轉變咁大，自己又冇咩挫折遇過，如果我唔係去一去澳洲，我未必撐到失業果幾個月。依家偶然之下搵到呢份咁hea 0既工，對初出茅廬0既我未嘗唔係好事。如果搵到好似個ust 學生咁0既工但又唔quit得我實pk。

依家呢份工我知我做唔長，因為唔係大學生做的，我等緊一個做傳媒0既機會。亞視幾時搬入大埔呀?

大學生究竟有幾大呢?

第一日番工..悶死左

九點半番工，首先搵hr交野，then佢帶我認識d同事，第一次睇真個office，唔係我想像中咁靚，不過好多人都未番工

then去我遞屬0既department，自成一角，d大粒野都唔0係我地果邊，環境不太好，冇陽光

原來我仲未有位坐，今日都係因為有個人sick leave先有個位

我個dept有8個人，個manager都冇房，同我地一齊坐office，成個dept連埋我得兩個女仔，仲有一個阿嬸manager話佢係assistant負責執頭執尾的。間中又有consultant d人過來吹水

一開波manager samuel叫我睇course leaflet，開始都睇得好認真，但睇下睇下，我認為重要0既野都睇sai，開始覺得悶。其他同事間中都有吹下水，我就搭唔到咀。

發覺坐我斜前面果個 jason冇野做，又上yahoo又上google仲開埋video，我前面果個又聽mp3\

似乎呢個dept d分工有d問題，manager samuel好忙，十個電話8個都係佢0既，其他人真係好似冇咩做

1:30食飯時間，samuel叫我去食飯先，此時又冇其他人去食，第一日番工就要自己一丁友去m記

打電話同甘+emily吹吹水，又去左espirt outlet睇衫

番到公司，再見到番晏0既同事，其中一個don最多野講，佢都係住上水，都係讀石湖，都係住天平，令我諗起0係bu hrm 同thomas+tina兩個天平村街坊相認0既情況

之後班仔見samuel唔0係度停sai手腳吹水，仲玩射橡筋，有一個又自稱自己係prisonbreak的t- bag

"睇資料"睇到我眼金金，三點度samuel帶我同另一上星期先番工0既同事martin去briefing，講下我地個department做d乜，始發現我要到下個月先有位坐，下星期先知自己負責邊個program，意味我呢個星期都應該冇咩做(點解唔叫我遲d番工?)

brief 完繼續"睇資料"，睇到我想大叫，幾時先走得呀!!!為左自娛，惟有查下字典，研究下部字典機0既功能，好彩有帶字典

0係don口中得知呢個department好少ot，d同事都好fresh，don睇來好似0係度做左好耐，但原來只係做左年幾，係咪因為d人做唔長呢?

放工第一個走，只係同左兩個同事say goodbye，係咪有d寸呢?

舒一口氣／ 香港有乜好

收到星期五見果份0既電話，佢地請左我

我自己都估唔到辭職之後咁快搵到第二份，好好彩可以一擊即中，因為我send左成百封信，得呢份有得in

星期六果份係好耐之前send落

原來intervewier果句"is it a good news for you?"係有玄機

可以0係八選一0既ｉｎｔｅｒｖｉｅｗ中脫穎而出，飄飄然，不過唔係開心左好耐，因為其實份工冇咩學，冇咩前途，又要番ｓｈｉｆｔ

好處係ｏｆｆｉｃｅ靚，ａｎｎｕａｌ　ｌｅａｖｅ有１４日，好多呀！！！

不過今次唔會好似上次咁咁快就唔做，我要快ｄ搵到人生第一份糧，買件乾濕褸，請老豆唱ｋ

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

好意外有咁多陌生人回應我０既ｂｌｏｇ，原來ｈｋ都有人間溫暖

我都唔知自己究竟鍾唔鍾意香港同香港人

覺得香港人幾市憎，幾向錢看，又難服待，俾少少錢就要有最好０既享受

０係澳洲果時如果人地問我香港係點，多數評語都係ｎｅｇａｔｉｖｅ

記得參加ＧＲＥＡＴ　ＯＣＥＡＮ　ＲＯＡＤ　ＴＯＵＲ，導遊叫我地０係車窗寫上自己來自邊度同埋果度０既特色

我寫左ＨＯＮＧ　ＫＯＮＧ，ＣＨＥＡＰ　ＡＮＤ　ＧＯＯＤ　ＦＯＯＤ　ＥＶＥＲＹＷＨＥＲＥ

一個英國人就寫”ＵＫ，ＮＯＴＨＩＮＧ　ＧＯＯＤ，　ＴＨＡＴ’Ｓ　ＷＨＹ　Ｉ’Ｍ　ＨＥＲＥ”

０係澳洲冇啖好食０既日子，最懷念０既真係香港Ｄ野食，周街都有ＣＨＥＡＰ　ＦＯＯＤ。有次０係　ＰＥＲＴＨ同另一ＨＫ　ＢＡＣＫＰＡＣＫＥＲ　ＡＵＣＨ講起香港食物，真係肚餓到我行唔郁

香港仲有咩好呢？交通完善！靚衫多！行山／離島！靚到好似假０既維港景！方便！報紙好睇！言論自由！講波佬！改名叻０既傳媒人（如”明日之後”ＣＯＭＰＡＲＥ　ＷＩＴＨ”後日”、捉智雙雄ＣＯＭＰＡＲＥ　ＷＩＴＨ”捉我吧，如果你可以”，仲有”奪面雙琪事件”、）！Ｄ人做野快！

香港有咩唔好呢？　人超多！車多！空氣差！天氣濕！咸濕伯父多！粗口變化多！大聲公／婆多！電視節目太師奶！一色一樣的建築物／商場太多！冇深度０既男仔太多！ＯＴ／工時過長！貧富懸殊！大陸ＬＩＺＡＴＩＯＮ！腌尖人多！地鐵人多！女仔太白太瘦！女廁廁格唔夠多！冇文化氣息！