cradle mountain係tasmania最著明的山脈及景點之一。睇旅遊資料，覺得行cradle mountain的確係一件好有型0既事。由於tak想單車遊 tasmania，我又唔識踐單車，故離開wooff family之後，我同tak暫時分道揚鑣，各有各玩，直到0係tasmania最後一日先再見面。
我book 的 tour公司叫 "cra clare tour"，約好佢地0係8am到我住的hostel pick up。我八點準時0係門口等人pick。其時，見貌似導遊的一對男女在門口等人，個男的問我係咪參加左bushwalking tour，我話係; 佢問我係咪參加左"tasmania expediture"公司的tour，我say no。於是我同佢都繼續等自己要等0既人，等等下，個男導遊要等0既另外一個客美藉華人出現，於是個男導遊問reception佢等0既另一個女客人去左邊，reception話唔知，可能去左shower。於是個男導遊先接走個美藉華人，遲d再番來接佢個女客人。
我自己一個等到八點半，開始緊張。正想打算俾"cra clare"之際，剛才個男導遊折返問reception佢要等果個女客人到左未，個reception話冇，個男導遊正想走之際，突然轉過頭來問我等緊邊間公司，我同佢講"cra clare"，怎料佢興奮地說" it was you!!"。 原來我book左果間"cra clare"一早俾個男導遊果間"tasmania expediture"收購左。
我地先到一行山用品店集合同check gear。團友只有6人，包括澳洲母女、加拿大母女、澳洲阿婆、美藉華人(唔識講中文)。導遊係剛才接我的elfen同ben，以前係軍人。導遊話已經算係大group。
我的團友組合雖然有點奇怪，但他們都視我為細路女，對我幾照顧。澳洲母親讚我英文fantastic (我第一次俾人咁讚)，我同佢講有時我聽唔明d local講乜，佢話如果佢地講野太快，即管叫佢地shut up; 澳洲阿婆會0係我唔多出聲0既時候主動潦下我，問下我野，等我可以commit d; 我同加國母女一間房，加母係一退休教師，好友善隨和，見我一個女仔來行山，會不時問候我。做左咁耐廉價勞工，突然被當作細路女般照顧，我也很享受。
在cradle mountain附近的shefield twon驚見一印有香港殖民地時代的垃圾桶。
在cradle mountain的 YHA camp site吃過午飯及settle down後便開始我們為期三天的cradle mountain 之旅。第一次ｏ係外國行山，相當興奮。惜開始不久便下雨。雖然山路不難行，但雙腳都濕透，感覺很難受。為左保護環境，導遊要求我地沿住條track行，不要因為怕整濕而踐踏草地。有時明明見到條track陷入泥濘中，也得硬著頭皮行上去。當feel到自己鞋內的積水係泥漿，感覺更為嘔心。
早已聽聞鬼行山的習慣同亞洲人不同。佢地會行得會較快同冇乜小休，今次終於感受到箇中滋味‧導遊同團遊都好似趕路咁，可以停下來影相既機會不多。
團友們： 左起：澳洲女、澳洲母、美藉華人、導遊ELFEN、導遊BEN、加母、加女、澳洲阿婆。
第１天行到五點度便完結，有點意猶未盡。之後便回CAMP SITE休息同食飯。由於導遊之一的ben０係軍隊入面係廚師，所以我地０既午餐同晚餐都好豐富，惹來旁人注目。個tour咁貴都係貴在ｄ食物。晚飯時我坐導遊ELFEN旁。佢問我有冇睇過澳洲動物，我話我只睇過袋鼠，仲要係死左的。於是眾人都和議待會兒坐車上山睇動物時可以俾我坐車頭。做細路女，實在太好了！
我地係天黑才上山的。雖然我同elfen都坐車頭，但我只見漆黑一片，而elfen就極專業，經常發現到ｄ動物（如wombat, wallabe)。我今次都係第一次可以睇咁多澳洲野生動物，連好難得０既 tasmania devil 都見得到，大家都好滿足。
沒有留言:
張貼留言